April, 26, 2022; Aizawl Municipal Corporation (AMC) chuan kum 7 chhung, 2015-16 leh 2021-22 chhungin property tax atangin cheng nuai 1839.42 a hmu tawh. Hetihlai hian sawrkar kum thar, April 2022 atangin AMC huam chhungah propert tax tihsan hret a ni dawn a, tihsanna zat tur chu 0.42% a ni. 

ZALEN thudawn danin, Property tax a khawn mek hi The Mizoram Municipalities (property tax) Management Rules, 2014 hmanga khawn a ni a. kum 2015-16 atang khan khawn a ni. AMC hotute chuan sawrkar laipuiin GSDP thanna ang tala property tax tihsan an beisei tih an sawi a, fund hrek thleng a an rawn sawi rik avangin tlem tala tihsan ngei a ngai niin an sawi.

AMC huam chhungah property tax 3% lak mek niin, tihsan a nih hunah chuan 3.42% a lak tur a ni dawn a, a sanna tur hi 0.42% a ni. AMC hotute chuan a punna sang lo mah se, a tlinkhawm chuan Aizawl hmasawnna hnathawhna atan a hma aia chhenfakawm a nih dawn thu an sawi a, AMC chu India rama property tax la hniam ber zinga mi a nih thu an sawi bawk.

Property tax hi mimal leh sorkar in (building)-ah a hlutna chhutin (unit area value system) khawn a ni a, sorkar laipui building-ah chuan khawn a ni lo.

AMC: Property Tax hmuh dan
Kum    Hmuh zat (Rs. in lakh)
2015-16    114.18
2016-17    220.03
2017-18    275.85
2018-19    284.70
2019-20    298.94
2020-21    324.01
2021-22    321.71
TOTAL    1839.42
* 2022-23 target *- cheng nuai 400