Aizawl August 24, 2024 : PWD hnuaia Division hrang hrang te chuan kawng leh side drain te tifaiin hmun hrang hrang hna an thawk, PWD te chuan hmanrua an neih that tawk loh avangin leh leivung paihna a a van avangin duh angin hna an thawk chak thei lo niin an sawi.

Vawiin khan PWD, Aizawl Road North Sub-Division-I chuan Aizawl Civil Hospital pan chhohna bula side drain tihfai hna an thawk a. Hospital Gate thlen hma velah bawlhhlawh bawm a awm that loh bakah, khawlaiah bawlhhlawh paih tawp thin a ni a. Heng hi tunkar ruahtui nasa lutuk khan side drain ah luan luh tirin side drain hi a block ta vek a. Chuvang chuan kawngah tui rimchhia leh bal a luang chhuak thinna drain chu 22.8.2024 atang khan thian tan a ni a, vawiin khah drain tihfai hna hi an zo thei ta a ni.

Aizawl Road North Sub Division No-III pawhin an huamchhunga Zonuam Veng-ah nizana lung leh leiminna leh MHNL Road, Ebenezer to High Court Road-a leimin te paihfai hna thawh a ni bawk. PWD official-te sawidanin leimin thian fai tur chuan a paihna tur hmanrua neih that a ngai a, a chang chuan man chawia paih a ngaih bakah paihna hmun a vang duh hle avangin hnathawh chak a har thin a, theihtawp erawh an chhuah zel a ni.