January 26, 2023; Bharat Petroleum Corporation Limited (BPCL) hnuai a awm, North East (Shillong) Region a filling station tha tehna 'Quality & Quantity' (Q&Q) ah C. Vanlalruata filling station (near Chite Lei, Bethlehem vengthlang) chu 2022-2023 chhunga filling station tha ber-ah thlan a ni.

ZALEN thudawn danin, January 22, 2023, Pathianni khan Imphal ah 'Annual Dealer Award' hi C. Vanlalruata filling station hnenah hlan a ni a, award an dawnna chhan tehfung chu petrol quality tha leh oil teh tling tha (quantity) ah a ni.

Bharat Petroleum Corporation Limited (BPCL) hnuaiah, North East hi region pahnih ah then niin, Shillong Region hnuaiah Sikkim leh Assam tih loh state dang zawng an tel a, chung state hrang hrangah chuan BPCL filling station 150 awmin, chung zinga tha berah C. Vanlalruata filling station hi thlan a ni. Award hian citation leh trophy a keng tel.

C. Vanlalruata filling station hi World Bank Road, Bethlehem vengthlang huamchhung Chite lei bul a awm niin, kum 2018, October ni 8 khan commission a ni.