Ainawn veng, Aizawla sawrkar quarters luahtu, sawrkarin chhuahsan tura an tih te chu an luah theih hun chhung pawhsei sak an ni.

Government Complex veng ti a hriat thin, Ainawn veng ti a vuah taka quarters te hi thiah tum anih avangin sawrkar chuan tuna luah mektute chu August ni 22 a chhuahsan turin an ti a. Sawrkar chuan he hun hi pawtseiin kumin December ni 31 thleng a pawhsei sak tih inrinnia sorkar thuchhuah chuan a tarlang a, quarters luahtute chu an himna turin huntiam nghak kher lovin a rang thei ang bera chhuahsan turin a ti bawk a ni.

Sawrkarin huntiam a pawhsei sakah hian building panga huam loh a awm thung a, heng building panga te hi thiah hmasak tura ruahman a ni a. A dang pawh a tahtawlin an thiat chho zel dawn a, tunah hian Ainawn venga sorkar quarters luah hi chhungkaw 180 bawr an awm mek a ni.