ZALEN July 12, 2024; Khawzawl leh Champhai police tang dunin Methamphetamine Kg. 115.55 an man.

Methamphetamine hi Champhai atanga Aizawl lam pana tlan Bolero atanga man a ni a, Motor neitu leh khalhtu ni bawk Lalrintluanga, Champhai Vengsang ni-a insawi chu an man nghal a ni.

Champhai police-ten ruihhlo tawlhruk tumna liantham tak a awm tih thu an dawn bawhzuiin vawiin khan Khankawn police checkgate-ah he motor hi an lo endik a, an endik lai hian rinhleh tur hmuh an nei lo a, an ngaih a that loh avangin Khawzawl police chu lo bawhzui turin an ngen a, Khawzawl police hian an lo man ta a ni.

Methamphetamine an man hi bawm 106 a dah a ni a. tualchhunga a hralchawnna ang chuan cheng vbch. 32.11 man hu a ni.

Tuna tuma Methamphetamine man hi Mizorama tum khata man tam ber ni-a hriat a ni.