July 12, 2023; Vawiin hian Congress party chuan Rahul Gandhi laka Central BJP sorkar râwng taka a chet an duh loh lantirna punkhawm (Silent Protest) leh Rahul Gandhi thlavang hauhna Congress Bhavan kawtah a buatsaih a. He hunah hian thusawi awm loin kalkhawmte’n puan dumin an hmui an tuam vek a ni.

MPCC thuchhuah tarlan danin, India ram political hruaitute zingah Rahul Gandhi hi BJP thahrui chhu chat tura hruaitu chak leh ropui a ni chho mek a. Vawi tam tak Parliament chhung leh pawnah Narendra Modi leh sumdawng hausa tawntaw Adani ten India mipui rawk tura sam an inphiar zawm dan a lo au pui tawh a.

Hei hi Central BJP sorkar chuan  a huat em avangin Rahul Gandhi an Jail a tan theih nan leh MP atanga ban a nih nan mawi leh mawi lo pawh sawi lovin Rahul Gandhi lakah râwng takin hma an la nghal a. Rahul Gandhi chu thubuai phuahchawp tak neih tirin, MP a nihna atangin an ban nghal a, a MP Quarter chhuahsan turin rang takin BJP sorkar hian hma ala nghal bawk a ni.