ZALEN January 25, 2024 : Siaha Auto Rickshaw driver Zawasa, ECM Vaih Siaha chu Raltlan in an vawhlum a, tukina a Auto an hmuh hnuah tualthattu zinga pahnih chu man an ni tawh a, an ruang thurukna lamah pakhat hi hruai nghal a ni.

Nimin January 24, 2024 khan Siaha Auto Rickshaw MZ-03 7550 Zawasa, ECM Vaih, Siaha khalh chu Myanmar lam refugee ni a hriat mi 3 ten Lawngtlai ah an hmang a, Lawngtlai atang hian Zan dar 7:00pm vel ah an rawn let ni a hriat a ni a, nizan dar 9:00 pm atang Khan driver hi a chhung ten an be pawp thei lo a, tukin dar 10:00am vel khan Auto Rickshow hi Siaha dai Council Vety firm bul ah hmuh a ni.

Auto Rickshow hmang tu te pathum hi Siaha PS staff ten man tawh a, Pahnih hi Siaha PS kawl an ni a, pakhat hi Zawasa ruang an dahna an sawi hmun Tuipui ferry ral Lawngtlai Dist. lamah Siaha Police ten an hruai nghal a ni.

Refugee pali ten Auto Driver an vuak hlum vangin he thu buatsaih lai hian Siaha Police station ah mipui an pung khawm a, sawi tawh angin Refugee te hian Auto hi nimin khan Saiha atangin Lawngtlai ah an hire a, an vaw hlum zui ta niin an sawi.