July 6, 2023; Central Young Lai Association (CYLA) chuan nimin khan thuchhuah siamin, Bangladesh buaina avanga raltlan Mizorama rawn lutte karah ralthuam kengte pawh an inzeh thu an tarlang.

CYLA chuan raltlante an theihna sang berin duat leh hmangaih takin an lo dawngsawng reng tih tarlangin, chutihrualin, raltlan tam tak zingah ralthuam keng pawlte rawn in zepin kan ram leh hnam himna leh muanna tichhe thei zawng a khawsain, ralthuam tawlh leh chelek inzirtirna a awm tih an tarlang.

CYLA tarlan danin, 26.6.2023 ah Chamdur 'P' ram chhungah Improvised Explosive Device (IED) tes a ni tih hriat a ni a, CYLA chuan hei hi thalo a tiin, a duh lo em em a, raltlan leh tualchhung mi hrim hrim ralthuam leh ruihhlo kaihhnawih ah inhnamhnawihlo turin a hriattir.

Hengte bakah hian raltlante zingah therhlo uma pawl danga inlet tura sawmna leh vauna a awm tih hriat a ni bawk a, hetiang kawngah hian Lairam chhunga NGO dangte pawh in chingzui tawhlo tur leh sim nghal turin an inhriattir nghal tih an thuchhuah ah chuan an tarlang bawk.