Central YMA leh PHE Departemnt tangkawp buatsaihin rampum huap lengkhawm zai intihsiak a awm dawn a, Branch 50 ten hming an pe lut. Zanin (August 17, 2023) hian a 'Pawh Hawn Zan' neih a ni ang. 

Programmme hi zan dar 7:30pm ah Central YMA Hall, Tuikhuahtlangah neih a ni dawn a, CYMA president R. Lalngheta chuan a hawnna a nei ang. Rampum huap lengkhawm zai intihsiaka tel tur hi a tam zawk chu khawpui chhung Branch an ni a, Aizawl khawpui pawn atanga tel tur pawh an awm nual. 

Intihsiak hi August 18, 2023 zan atangin tan a ni ang a, August 25 Zirtawpni zanah top 10-te an intihsiak ang a, result puan nghal a ni ang. Intihsiak hi Central YMA Hall-ah neih tur niin, final bik chu Vanapa Hall-ah neih tura ruahman a ni.