Meghalaya sorkar chuan Assam nena an inrina lai bawr entu tur regional committee pathum a din.

Committee-te hian ni 45 chhungin report an thehlut tur a ni a, ramri khuate fang kualin chanchin hlui nen, lo cheng hmasa leh cheng mekte thlir dan bakah thuneitute pawh an kawm kual dawn a ni.

Committee hian anmahni ang bawka Assam-in committee a dinte pawh dawrin an hmuh dante an thlirho ang a. State pahnihin an khua an tih ve vete pawh an sawiho dawn a ni.

Meghalaya leh Assam hi rei tak ramri-a inrem lohna nei tawh niin tun hnai kum hnih thum vel chhungin chin fel tumin state hnih hian hma an la nasa hle a. Hetih lai hian tun hnaiah buaina pawh a chhuak leh bawk.