Aizawl: Mizo Zirlai Pawl (MZP) chuan Assam-Mizoram ramri chungchangah sawrkar chu hma la chak tawk loah an ngai tih an sawi a, September ni 10,2018 hmaa hmalakna liantham a awmlo anih chuan September 12, 2018-ah Mizoram pumah kawngzawh an tum. Nimin khan Aizawl Press Club-ah thuthar lakhawmtute kawmin MZP President L.Ramdinliana Renthlei chuan, “Mizoram Chief Minister kaihhruaina hnuaiah Assam-Mizoram ramri chungchang ngaihtuaha a tul angte bawhzui tu tur committee sang Core committtee chu Mizoram Home Department Additional Secretary Lalbiakzama chairman-na hnuaiah din a ni a, Core Committee hian July 2018 ralhma in report kimchang Chief Minister hnenah thehluh tur a tih a ni,” tiin a sawi a. Hun tiam chhunga a thehluh hman tak loh avangin August 3, 2018-a MZP meeting chuan inhnuhdawh a titlu ta niin a sawi bawk.