August 14, 2023 : Nimin Pathianni chhun dar 12 a Sihhmui lei hnuai Nghalchawm kai a, Aizawl ramthar veng tlangval pahnih tui tla te chu he thu ziahlai chawhnu dar 1 thleng hian hmuh an la ni lo.

Tarlan tawh angin tui tla te hi Lalmuanpuia (26) S/o. Rokhuma leh Lalropeka (15) S/o. Lalpekmawii te an ni.

Vanduaina tawkte birthday lawm pah ah intihlim tura kal an ni a, tui an thiam a, mahse suarah an chesual palh nia sawi a ni.

An tla tih hriat atangin zawn hna thawh nghal a ni a, vawiin lam hian Nghalchawm, Sihhmui, Sairang, Sairang Dinthar leh Lengte atang tein tuitla zawngin an thawk chhuak a.

Ramthar veng lam atangin Neuva leh Khuangchera Secrtion YMA member te an thawk chhuak bawk.