Aizawl: AH & Vety department thawktu te chuan inkharkhip kal-pui chhungin ran chaw lamah harsatna thleng a awm lo niin an sawi.

Zalen zawhna chhangin AH & Vety department thawktu te chuan lock down tan tirh khan buaina tlem an tawk tih loh chu ranvulhtu te tan ran chaw ah harsatna a awm lo niin an sawi a. Department in Tanhril-a ranchaw siamna an neih atang leh hmundang atanga an lakluh hmangin an duh ang ran chaw an pe thei niin an sawi.

AH & Vety thawktu te chuan UK atanga vawk tha chi lak luh an tum chu Assam chuanchung lamah vawk natna chi khat African Swine Fever (ASF) a len avangin Mizoram panpui theih a ni hrih lo tih an sawi a. Vawk an lakluh te chu an enkawlna New Delhi atangin Punjab lamah enkawl turin an dah niin an sawi. Assam ah ASF a len avang hian state dang atanga vawk leh vawksa lak luh te pawh tih tawp vek a ni tih Zalen palai an hrilh bawk.