'Kan Khua' tih hla hmanga Zofate awi tleitu Rebecca Lallawmsangi chuan hla thar a tichhuak a, nizan khan Zonet lamah tichhuah a ni. 

Rebecca-i hla thar hi 'Astronaut' tih a ni daih mai le - Krismas hla chu a ni lo a nia! He hla hi 'Kan Khua' tih hla phuahtu Peka Fanai irawm chhuak leh bawk niin, ngaihthlak manhla tak a ni. A video mawlh hi sawi hmaih theih a ni lo, Thazual Award 2021-a Best Videographer chawimawina dawngtu Reuben Lalmalsawma kutchhuak a ni - belhchian a dawl leh pek hle. Video common lo tak mai hi siam a hautak hle ang tih a rinawm a, mit leh beng a tlai tak zet. 

Rebecca Lallawmsangi hla thar Astronaut' hi YouTube lamah pawh ngaihthlak tur a awm thuai dawn e.