American singer Beyoncé Knowles chuan Grammy Award 2023-ah Award pahnih a la a, artist zinga rimawi lama chawimawina sang Grammy Award dawng hnem ber (32) record a siam ta. Hungarian-British conductor George Solti chu Grammy Award dawng hnem ber (31) a ni thin a, hei hi Beyoncé hian a rawn khum ta a ni. 

Kum 41 mi Beyoncé hian a album thar ber 'Renaissance' hmangin best dance/electronic album a dawng a, 
'Plastic Off the Sofa' hmangin best traditional R&B a dawng bawk. Award a dawn lai hian a lawm tak zet tih a awm danah a lang thei a, insum harsa a tive hle. 

Beyoncé hian lawmpuitu pawh a ngah hle a, award a dawn lai hian thawm a tha hle. Award a dawng zo a thutna lama a let hi a dawhkanah a pasal Jay-Z leh Adele ten an lo lawmpui a, an kianga awm midangte nen an boruak a tha rem rem hle. 

Grammy Award 2023 hi sem mek a la ni a, Beyoncé hian award dawng pawh a la dawn belh leh mai thei. Dawn belh lo ta pawh nise record ropui tak a siam tawh hrim hrim e.