Aizawl: Mizoram Nursing Council chuan an pawmpui nilo atanga Nurse zirchhuakte chu kum 2019-2020 session atang chuan reciprocal registration an pe tawh dawn lo tih an sawi.

Thuchhuah an siamah Mizoram Nursing Council chuan Nurse zir turte chu Indian Nursing Council leh State Nursing Council pawmpui school emaw, college-ah emaw chauh zir tur leh Indian Nursing Council-in scheme of examination a siam hrang hrang zawmtu board/university-ah chauh zir turin an ngen tih an sawi.

Sawrkar laipui leh Indian Nursing Council chuan Nurses registration & Tracking system a kalpui tih sawiin zirchhuahna state-a NRTS ti lo chu state dangah in-register theih a ni tawh lo a ni tiin zirlaite chu nakina harsatna an tawh loh nan institution-te belchiang hmasa turin an ngen.