January 4, 2024; Reiek tlang lun vanglai a ni chho mek a, bawlhlawh thehthang kawngah erawh hmasawnna tur a la tam.

ZALEN thudawn danin, December leh January thla hi Reiek tlang tlawhtu an tam vanglai niin, tun hun chho a tlawhtu zingah kumdang zawng aiin hnamdang (domestic/foreigner) an tam.

A tlang leh tourist resort tlawhtu ten tha tak a dan an zawm laiin, hnawmhnawk thehthang kawngah erawh inthlahdah tam tak an la awm a, chu chu Reiek tlang leh a chhehvel hmel ti mawilo tu a la tling.

Reiek tlang a hnawmhnawk thianfaitu an awm hran a, chung mite chuan kar khat ah vawi 2/3 te an thian thin. Nimin (3.1.24) khan chung mite chuan garbage bag lian 10 chuang zet hnawmhnawk chhar khawm an nei a, a hmun a riak an tamin hnawmhnawk a tam zual thin niin ZALEN thudawnna chuan a sawi.