August 25, 2023; Ministry of Railways chuan Bairabi leh Sairang inkar rel kawng lei dawh chim chhan chhui tur committee a din a, thla 1 hun a pe. Hetihlai hian Leidawh chima thi te zingah ruang 22 lakchhuah a ni tawh a, chin hriat loha awm 1 awm chu vawiinah zawn chhunzawm a ni ang.

Ministry of Railways chuan nimin khan order chhuahin relkawng chim chhan chhui tur member 4 awmna committee a din a, thla 1 chhung a chhui zo turin thu a pe a ni.

Tarlan tawh angin August ni 23 chawhma dar 10 rik hma hret khan Leidawh lai hi a chim a, hnathawktu 26 an zinga 23 an thi ni a hriat a ni a, rang takin chhanchhuah hna thawh nghal a ni.

Ruangte postmortem hnuah tawih theilo tura buatsaih an ni a, railways hnenah an chenna khua theuh thlen turin hlan an ni ang.