August 24, 2023; Nimin chawhma dar 10 rik hma deuh a Rel kawng siam lai chim a thi ruang 21 lak chhuah an ni tawh a, chin hriat loh mi pahnih an la awm nia hriat a ni.

Bairabi leh Sairang inkar rel kawng dawh hna thawh mek, Kurung lui a chim ah hian a tirah chuan mi 40 bawr vel a chimpui niin thu a thang a, a hnuah mi 26 nia sawi ni lehin, he thu ziahlai chawhnu dar 3 thleng khan ruang 21 lak chhuah tawh an ni.

Lei chimah hian mi pathum an hliam a, pakhat chu lei ban chung zawlah hliam tuar chungin a awm a, chhanchhuah a ni.

Puan tawh angin chhanchhuah hna hi  QRT (Quick Response Team) leh NDRF (National Disaster Response Force) ten an thawk mek a, thi te hi West Bengal lam mi deuh vek an ni.