ZALEN Nov. 25. 2024; Mizoram a thisen pe hnem ber nihna chelh mektu, Tv. C Lalremruata, Electric Veng, Aizawl chuan, vawiin (25/11/2024) hian a vawi 93-na atan a mamawhte hman atan Civil Hospital, Aizawlah thisen a pe leh ta.

Tv. C Lalremruata hian kum 1998 atangin thisen a pe tan a, tun thlengin a chhunzawm chho ta zel a ni.

Tv. C Lalremruata chuan a thil tih chu Pathian vang chauh a tithei a ni tih ZALEN a lo hrilh tawh a, "Ka hriselna Pathianin min ven sak ang a, ka tum dan chuan century pek tlin ngei ka tum," tiin a lo sawi tawh bawk.