Aizawl: Central YMA buatsaih B.Daniela memorial inter branch YMA lengkhawm zai intihsiak 2019-ah Republic Branch YMA chu a thiam berah thlan an ni.

Lengkhawm zai intihsiak final hi Zirtawp zan khan Central YMA Hall, Tuikhuahtlang-ah neih a ni a, Tuithiang Branch YMA chu pahnihna ah thlan an niin Tuikual North Branch YMA chu pathumna an ni. Mimal lawmman dawng zingah khuangpu thiam ber- Khuangpui ah Lalrinzuala, Tuithiang leh Khuangte ah Lalremtluanga, Republic te thlan an ni a, hla hril thiam berah Nl. Lalrimawii Hnamte, Tuithiang Branch thlan a ni bawk.