Miss Mizoram 2017 Rody H. Vanlalhriatpuii chuan a kawppui tur awm mi a tawng ta - October thla hian 'tiam tlat e' an tidawn. 

Rody pasal tur hi C. Lalruatkima a ni a, October 3, 2023 hian BCM Immanuel, Lawngtlai, New Vengpui-ah Kohhran dan puitlingin an inkutsuih dawn a ni. A pasal tur C. Lalruatkima hi MPS niin, Lawngtlai Additional Superintendent of Police ni lai a ni - an chhungkua hian Lawngtlai New Vengpuiah an cheng.

Femina Miss India Mizoram 2017 Rody H. Vanlalhriatpuii hian kum 2015 khan Mizoram University atangin Social Work a zir zo a, kum 2017 khan Miss Mizoram thlannaah telin winner a ni. Femina Miss India 2017 thlannaah Mizoram aiawhin a tel zui a, top 15 a inhlangkai a ni. Rody-i hi Femina Miss India thlannaa Mizoram atanga tel hmasa ber leh thleng sang ber a ni a, Miss Talented title a hlawh chhuak bawk.  
 
Rody H. Vanlalhriatpuii leh C. Lalruatkima te nupa hlim tak ni turin ZALEN chhungkua chuan duhsakna kan hlan e.