India rama roller door belh chian dawl ber tih hial a an sawi, ram chhung hmun danga siam ve loh Dura Ultima chuan an roller door chi thum chu nimin khan Aijal Club-ah an tlangzarh.
He hunah hian an dealer te bakah architect te, engineering department lama an hotute leh contruction company te sawm an ni a, an thil siam hi a that mai piah lamah changkanna lamah pawh zahpuiawm lo tak a nih thu an sawi a, hmeichhe awm-nem ber tan pawh a khar kawngah leh a hawn kawngah harsatna a awm ve lo chu an chhuanna a ni. Heng rolling door te hi remote control vuah theih a la ni zui bawk.
Heng rolling door an tlangzarh te hi - Visi Screen Roller Door, Polycarbonate Roller Door leh Stainless Steel Grill Roller Door te an ni a, a hma in Mizoramah anni hian roller door chi thum dang an lo tlangzarh tawh bawk.
Dura Ultima te siamchhuah kawngkhar te hi aluminium leh zinc a siam niin, tui-ek thei lo tura siam a ni a, a pawh tawlh ti nuam turin hriak emaw grease emaw a ngai ve lo bawk a, hrut fai chu buaipui a ngaihna lai ber a ni.