Aizawl: Commonwealth Games neih zawh taka bronze medal latu Lalremsiami chu August ni 16, 2022 (Thawhlehni) chhun dar 12:30 hian Lengpui airport a lo thleng dawn a, NGO te, Sports association hrang hrang te leh Press mite nen ropui taka lo hmuah tum a ni.

India Hockey player chhuanvawr Lalremsiami lo hmuah dan tur leh an chenna Kolasib thlenga thlah dan tur chungchang ngaihtuahin nimin khan Sports &Youth Affairs conference  centre, MINECO ah T.C.Pachhunga SEDP Vice Chairman, Sports hovin sawrkar department pawimawhte leh Sports Association hrang hrang hruaitute an thukhawm a. 

Hmarchhak state zinga India ram aiawha Commonwealth Games a tel pha, infiammi tlemte zingah Jeremy Lalrinnunga leh Lalremsiami ten India ram tan Medal an rawn hawn chu an chhuanawmin ropui taka lo hmuah phu an ti a. Mimal leh pawl anga lawmpuina thilpek  pe duhte tan pawh pekna hun remchang  siam a ni leh dawn a ni.  Remsiami hian an khua Kolasib a pan nghal dawn a ni.