August 29, 2023; Tunhnai chho ah Mizoram-ah Rs. 20 thir (coin) a tualleng chho mek a, mipuiah erawh a la darh tam lutuk lo nia hriat a ni.

ZALEN thudawn danin, Rs. 20 thir hi RBI lam in kum 2020 chho atang khan an siam tan a, hetihlai hian Mizoramah chuan hmuh/hman tur awm bawk mahse, tun thlengin mipui a leng vel a la tam lutuk lo thung.

Rs. 20 thir hi Rs. 10 thir ai chuan len lam leh a rih zawngte a tawk viau a ngaih niin, March 2020-a tihchhuah tum a nih laiin, COVID-19 lockdown vangin May 2020-ah tihchhuah a ni. A rih zawng gram 9 vel niin, mm 2 a chhah a ni a, a hlai zawng mm 27 a ni.

Tarlan tawh thin angin, hun engemawtilai atang khan Rs. 10 thir chu Mizoram hmun tam zawkah a chhan tak hriat hleih theih lohin hman a lo harsa tawh thin a, tunah chuan awlsam zawkin a hman theih tawh nia hriat niin, khang ang harsatna kha Rs. 20 thir ah hi chuan a awm chho lo tura ngaih a ni.