Aizawl: Lok Sabha MP CL Ruala chuan a kum a upat tawh avangin inthlan chuh a tum tawh lo tih a sawi.
Tunhnaia chanchinbumite a kawmna ah zawhna chhangin CL Ruala chuan, "Kum 80 chuang kan ni tawh a, inthlan ah chuan chuh ka tum tawh lo a. Mahse party in min mamawh chhung chu party tana thawh ka tum a ni," a ti.
CL Ruala chuan MP anih chhungin theihtawpin hna a thawk tih sawiin, "Parliament session ah MP thenkhat an tel tlem laiin kei chu 97% ka tel a, India rama DISHA meeting neihpui tha MP 3 zingah ka tel bakah Prime Minister in MP thawk tha 3 a sawi zingah ka tel hi lawmawm ka ti hle a ni," a ti. CL Ruala chuan state sawrkarin a tangkai tur angin an chhawr tawk lo nia a ngaih thu sawiin, "Thil umzui kawngah sawrkar hnathawk ten min chhawr tawk lo hi ka vui hial zawk a ni," a ti bawk.