August 23, 2023; Vawiin a ruang chhar chu Forensic mithiam ten an endik hnu ah Naupangbo zawn mek Lalremruata (11) ruang a ni tih finfiah a ni.

Ruang hi NH 108 kawng hlui Mausen kawng Mamit khaw dai mai kawng chhakah hmuh a ni.

A hmu hmasa tute Steward Lalrinchhana leh PC Nickson Zonunmawia te niin, vawiin chawhma dar 10:30 vel khan thing tuah la turin an kal a, kawng chhak mai rairuang hung karah mitthi ruang hi an hmu a, chhawlin alo in chhin a ni.

Tlan haw vatin midang an hrilh hnuah Police ten ruang awmna hmun hi thlengin, ruang hi alo chhiat deuh tawh avangin tunge tih hriat mai theih a ni lova, hei vang hian forensic science Laboratory a mi thiam Aizawl atangin lokal ten dar 4:30 vel khan 18.8.2023 atanga chin hriatloh Lalremruata ruang a ni tih an finfiah a ni.

Ruang hi Mamit Hospitalah post-mortem hnuah x- ray tih nawn leh a ni a, zanin dar 7 vel khan zawh fel niin Hospital atangin in lam pan pui a ni a, zanin vek hian vui nghal a ni ang.