February 21, 2024; Health minister Lalrinpuiin ruang phurh inkaihhruaina sawrkarin a duang mek tih house a hrilh.

Vawiin Mizoram Legislative Assembly 9-na, budget session zawhna leh chhanna hun ah Leader of Opposition Lalchhandama Ralte zawhna chhangin, health minister chuan, sawrkarin tunah hian ruang phurh inkaihruaina dan a duang mek a, ngaihtuahna tam tak seng ngai thil a nih avangin cabinet agenda ah pawh chhawp chhuah tum a ni tih a sawi.

Health minister sawi danin, ruang phurh hmalak dan tur leh inkaihruai dan tur buapui mek a ni a, Budget proposal ah Revised Estimate 2023-2024 ah Rs. Vbc.1 dah a ni a, Budget Estimate 2024-2025 ah Rs. Vbc. 5 dilna thu thehluh mek a ni.

Motor hmanna rate hi kilometre wise a siam tur a nih thu te, mi an thihna hmun atanga anmahni in thleng huam tir tur a nih thu te leh phai lam a thi te erawh a huam loh tur thu a sawi.