September 9, 2023; September ni 6, 2023 a Sekhum ramchhung lui a mihring ruhro hmuh chu Lunglei police ten la kawlin, tunge a nih hriat a la ni lo.

Lunglei police station atanga ZALEN thudawn danin, ruhro chharte hi lu ruhro leh ngalruh bakah, track kekawr bul nia hriat chhar tel a ni a, vawiin thlengin Lunglei PS ah kawl that la niin, Forensic Science Laboratory (FSL) a endik tur a la ni.

Hemi chungchangah hian Lunglei police te chuan tu ruhro nge tih an la ngaihven mek tih an sawi a, vawiin thleng hi chuan tu ruhro nge tih finfiah a la ni lo. Rinhlelh awm an awm a nih chuan FSL ah DNA te nen endikin hmalak a la ni dawn tih police te chuan an sawi.

Tarlan tawh angin, September ni 6 tlai dar 4 bawr vel khan Sekhum ramchhung lui ah lui kal ten ruhro an chhar a, Lunglei police te hriattir an nih hnu-ah Lunglei police ten la in, thil awmdan enfiah mek zel a ni.