August 21, 2023; Champhai police ten mi pahnih hnen atangin Crystal Meth kg 3 chuang an man.

Champhai Police te hoan 19.8.2023, zan dar 11:30 vel khan Champhai Police, Chalbawia Junction Khankawn Police Check Gate duty-te1 chuan Crystal Methamphetamine (Meth) Kg 3.028 (pack 3) chu Zokhawthar atanga Aizawl pan lirthei pakhat (pick-up), Daniel C. Lalchhandama (31), Zemabawk Aizawl nia inchhal khalh atangin an man.

Ruihhlo man hi lirthei khalhtu leh a chuanpui Zohmingliana (21), Zemabawk North, Aizawl nia inchhalte ta niin, Champhai PS-ah thubuai, 22(c)/25/29 ND & PS Act hnuaiah ziahluh nghal a ni a, chhuizui mek a ni.