DOWNLOAD OUR APP

Read latest news on your phone
app-store

Ruihhlo leh a kaihhnawiha kan thalaite an him thei - Dr. Munjpara Mahendrabhai

Sep 23, 2022

Union Minister of State, Ministry of Women & Child Development and Ayush, Government of India, Dr. Munjpara Mahendrabhai chuan vawiin khan Mamit tlawhin DC Conference Hall-ah Aspirational District Programme leh Central Sector Scheme chungchangah review meeting a neihpui, ruihhlo leh human trafficking, hmeichhe naupang rukbo chungchangah tha taka hmala tura chahin ruihhlo leh a kaihhnawiha kan thalaite an him theih nana tan la turin a chah.

Aizawl September 23, 2022 : Union Minister of State, Ministry of Women & Child Development and Ayush, Government of India, Dr. Munjpara Mahendrabhai chuan vawiin khan Mamit tlawhin DC Conference Hall-ah Aspirational District Programme leh Central Sector Scheme chungchangah review meeting a neihpui, ruihhlo leh human trafficking, hmeichhe naupang rukbo chungchangah tha taka hmala tura chahin ruihhlo leh a kaihhnawiha kan thalaite an him theih nana tan la turin a chah.

Dr. Munjpara Mahendrabhai chuan Mamit District dinhmun hriatchian a duh avanga Mamit tlawh a nih thu sawiin kalkhawmte chu Nation first tih rilru pu turin a chah. Mamit SP kaihhruai Mamit DEF te chu ruihhlo leh human trafficking, a bik takin hmeichhe naupang rukbo chungchangah tha taka hmala tura chahin ruihhlo leh a kaihhnawiha kan thalaite an him theih nana tan la turin a chah. District chhunga inkalpawhna kawng sial hnathawktu Contractor-te'n tha taka kawng an siam theih nan Mamit DC chu vil uluk turin a chah bawk a ni.

Lalnunhlua, Mamit District Bawrhsap chuan inlawmna thu sawiin Mamit District Profile tlangpui a tarlang a. Henry Malsawmtluanga, SDC Mamit chuan Aspirational District hnuaia hmalakna, hmasawnna leh hlawhtlinna hrang hrangte a lem nena entirin a tarlang bawk.

Vawiin vek hian Anganwadi Workers leh ASHAs te bakah Panchayati Raj Institutions (PRI) hnuaia Mamit khawpui chhung VC Members-te Meeting a neihpui nghal a. ASHA hnuaia thawktute chu mipui rawngbawltu an nih inhria a, thatho tak leh thahnemngai taka hnathawk turin a fuih a, ASHA leh Anganwadi workers-te thawhrimna leh hmalakna zarah Covid-19 dona kawngah leh vaccine tha taka pek a ni chu a lawmawm tak zet zet a ni tiin, an thawhrimna-ah lawmthu a hrilh a. 

VC Members te chu an enkawl vengchhung mi harsate'n Sorkar Scheme an dawn theih nana hmalakpui a, dik taka thlang chhuak a, tha tak leh anihna tur ang taka kalpui thin tura chahin an khawtlang tan theihtawpchhuah chhunzawm zel turin a fuih bawk. VC te hian an harsatna leh mamawh hrang hrangte Minister hnena an lo thlen bakah zawhna leh chhanna hun hman nghal a ni bawk.

Dr. Munjpara Mahendrabhai hi Secretary, Social Welfare Department, Govt. of Mizoram, Director, WCD, Director leh Jt. Director, DHS te'n an rawn tawiawm a. Meeting-ah hian Mamit khawpui chhunga Sorkar Officials te an tel tha hle a ni.

Share now