ZALEN November 11, 2025 : Excise & Narcotics Department (END) in Operation Jericho a kalpui mek denchhenin Vanapa Hall leh Zodin Square bawr vel leh hmun dangah te ngawrh takin ruihhlo leh ruihhlo ti te vai mek an ni.

September ni 1, 2025 atanga tan, Mizorama ruihhlo lo lut tur do beihpui thlakna (Operation Jericho) kal mekah Excise & Narcotics Department chuan Mizorama khawpui hrang hrangah khawlaia ruihhlo ngai leh a zuarte vaikhawmin City patrolling neiin hma an la a. 

He an hmalaknaah hian YMA, khawtlang hruaitute leh mipuite'n theihtawpa an thawhpuina chuan rah duhawm a chhuah mek a, an chungah Excise & Narcotics Department chuan lawmthu an sawi.