February 18, 2024; Excise & Narcotics Department chuan Methamphetamine leh Crystal Methamphetamine thahnem tak an man.

Excise & Narcotics Department & Bawngkawn Branch YMA thawk dun chuan February ni 17, 2024 (Inrinni) zan dar 10:50 khan Bawngkawn Brigade vengah Crystal Methamphetamine Kg 1 & Gram 30 leh Methamphetamine tablet 1,66,000 (Kg 16 & Gram 105) leh a neitu nia puh – Hrangtinkhara aka Robert aka Duhzuala (49) s/o Biakzama, Tahan Pinlung, Kalemyo District, Myanmar, tuna Bawngkawn Brigade 

venga khawsa mek nia inchhal chu an man.

Methamphetamine man zawng zawng hi Kg 

17 & gram 135 a ni. Heng Crystal Methamphetamine leh Methamphetamine te hi Myanmar atanga lak, State danga hralh tura ruahman mek niin an sawi. Heng ruihhlo man chhuahna kawnga Bawngkawn Branch YMA te inpekna avangin Excise & Narotics Department chu a lawm hle.

Methamphetamine vanga man hi The Narcotic Drugs & Psychotropic Substances 

Act, 1985 tlawhchhanin thubuai siamsak a ni a, Court-ah hruai nghal a ni.