May 2, 2022; Mizoramah kum 1984 atanga kumin April thleng khan ruihhlo hmangsual a thi mi 1,697 an awm. Kumin bikah ruihhlo vanga thi mi 4 awm tawhin, ruihhlo vanga thi an tlem chhan hi covid 19 vanga hunrei tak chhung total lockdown (inkharkhip) nghawng ni thei a ngaih a ni.
    Excise & Narcotics department (END) chhinchhiah danin, kum 1984 atanga kumin April ni 28 thlenga ruihhlo vanga thi zingah mi 1,495 te chu mipa niin, midang 202 te chu hmeichhia an ni. Kumin bikah mipa 3 leh hmeichhia 1 an boral leh tawh bawk a, kumdang aiin an tlem.

ZALEN zawhna chhang a END hotute sawi danin, kumin bika ruihhlo vanga thi an tlem nachhan chu nikum leh kum hmasa lamah te hunrei tak chhung total lockdown puan a ni a, chu chuan ruihhlo ti mite pawh a nghawng lo thei lo a, hemi vang hian kumin ah pawh kumdang ai chuan ruihhlo vanga thi an tlem nia ngaih a ni. 

END hotute chuan tunlaiin ruihhlo (Heroin) erawh man tur a tam hle tih an sawi. "Mizorama ruihhlo zawrh rawn risk an tam lutuk a, ruihhlo kawngbo te pawh kan ti hial tawh, vanneihthlak takin demand a sang lo hlauh niin a lang a, a lawmawm hle," an ti. 

Lockdown lai pawh khan a tira an hlauh chu OD an tam viau emaw, after shock an tam viau ang em tih a nih thu thudawnna chuan sawi bawkin, "Vanneihthlak takin chuti he hu kan ni ta lo hlauh a, kan lawm hle a ni, amaherawhchu hun te han kal chho se engnge kan an zel dawn tih chu a sawi theih loh," thudawnna chuan a ti bawk.

Ruihhlo vanga thihna : Kum 10  chhung
Kum    Mipa    Hmeichhia        Total
2013    29              8                 37
2014    36              2                 38
2015    24              3                 27
2016    50              9                 59
2017    53              12               65
2018    44              12               56
2019    42              13               55
2020    61              6                 67
2021    39              8                 47
2022    3                1                   4
(upto 28th April)