Aizawl January 13, 2024 : Ministry of Railways chuan Sairang atanga Mizoram tawp Hmawngbuchhuah thlenga rel kawng zawnna atan vaibelchhe 33 a remti a, he hna hi hun reilote ah thawh tan tum a ni.

ZALEN in Railway Consultant R.Hrangtawna hnen atanga thu a dawn danin Sairang atanga Hmawngbuchhuah inkar rel kawng tur hi satellite hmang chuan an zawngin traffic survey zawh a ni tawh a. Mahse a tak taka a kalna tur zawnna hna thawh nan hian Ministry of Railways chuan Rs. 33,15,60,293 a sanction a, he sum hmang hian rel kalna tur tak leh station awmna hmun tur survey a ni dawn a. Ruahman dan chuan kum tharah hian hna tan tum a ni tih a sawi. Thudawn danin Sairang atanga Hmawngbuchhuah inkar rel kawng hi km 223 ni tura ruahman a ni.