ZALEN February 1, 2025 : Chhandamna Kohhran (Salvation Church of India) National Headquarters Office leh Aizawl Kohhran Biak in thar hawnna inkhawm chu vawiin chawhnu dar 1:00 khan PWD Tlang, Ramhlun Venglaiah an hmang.

Hawnna inkhawm hi Upa Ch.Lalnunchama Treasurer, Chhandamna Kohhran chuan kaihruaiin Upa Dr.H.Lianzela, President chuan Kohhran Office leh Aizawl Kohhran Biak in thar chu ribbon chep chatin a hawng a. Rev. Dr. R.Lalsangzuala, Aizawl North Area Pastor Kohhran Office thar chu Pathian hnenah a hlan a ni.

Biak in tharah lawmthu sawi inkhawm neiin Upa R.C.Lalthangpuia, Aizawl Kohhran Chairman-in kaihruaiin Rev.C.Rualchungnunga, Aizawl South Pastor-in Biak in thar chu Pathian hnenah a hlan.

Upa Lalawmpuia Khiangte, General Secretary & Senior Administrative Officer hnen atangin report ngaihthlak a ni a. Upa Chalneihzawna, Building Committee Chairman hnen atangin Technical report ngaihthlak a ni bawk.

Chhandamna Kohhran Office thar hi cheng nuai za sawmsarih pangaa lei niin Kohhran Office chung hi Aizawl Kohhran ten Biak in atan an hmang dawn a ni.

Upa Dr.H.Lianzela, President hnen atangin Pathian thuchah ngaihthlak niin Upa Laltlanthanga, Vice President-in lawmthu sawiin hun tawp a siam a ni.