Nimin khan North east Zone Santosh Trophy qualifying round chu khelh zawh a ni a, Railways chuan an khingpui Meghalaya chu 2-0 a hnehin final round khel turin an inhlangkai. He mi te group-ah hian tlang thei team thum awmin Meghalaya chan a tha ber a, point khat an hlawhchhuah hrim hrimin tling thei an ni a, Railways hi chak mah se, lut turin Assam leh Tripura inkhelah an innghat tel a, mahse inkhel hnuhnung zawkah hian chak zawk awm lova 2-2 a an inhnehtawk avangin point 6 nei ve ve pahnih Railways leh Meghalaya inkarah Railways hi head-to-head ah an that zawk avangin an tlang ta a ni. Assam hian point 4 neiin Tripura hian point 1 an hmu a ni.