ZALEN May 8, 2025 : Satellite hmanga thlalak vawiin Ningani-a tihchhuah atanga a lan danin Indian Army ten Pakistan leh Pakistan-awp chin Kashmir-a terrorist camp 9 an beihna chuan chhiatna a thlen thawhkhat hle a ngaih theih a ni.

Satellite thlalak Maxar Technologies-in an tichhuah atanga a lan dan chuan an bitum zingami Muridke city, Pakistan chhunga Bahawalapur-a Jamia Mosque chu a chhe hle niin a lang.

He complex hi acres 82 a zau niin LeT te inkulhna Nangal, Sahdan, Muridke, Sheikhupra, Punjap, Pakistan a terrorist awmte inzirchhuahna hmun a ni.

NH-5 (Karachi-Torkham Highway)-a awm Markaz Subhan Allah, Karachi Mor-a Bahawalpur daia awm, Jaih-e-Mohammed te hmunpui, training an neihna thin acre 15-a zau pawh kahchhiat a ni.

Operation Sindoor, Pakistan leh Pakistan awp chin Kashmir chhunga neihah hian Indian Army te chuan terrorist te inkulhna hmun 9 an bei a, heng hmunte hi Jaish-e-Mohammed, Lashkar-e-Taiba, and Hizbul Mujahideen te ta a ni.

India Air Force ten hian Pakistan ram chhungah hian hmun 4 an bei a, Pakistan awp chin Kashmir-ah hian hmun nga an bei a. Centre chuan tum bik neia bei an nih thu a sawi a, heng hmunte hi Pakistan sipai inkulhna te beih tumna a awm lo an ti.