April 12, 2024; Aizawl Sahuan a an dahna huang (enclosure) atanga chhuak savawm chu, sahuan pawn lamah a chhuak tawh ni ngeia hriat a ni a, naktuk (13.4.24) atangin sahuan pawh hawn a ni tawh ang.

EF&CC Staff te chuan Zoo area chhung leh a pawnah te savawm chhuak hi zan awn chhunzawm a. Zoo area chhungah hian ni 3.4.2024 khan hmuh hnuhnunber a ni a. EF&CC staff te chuan vawi engemaw zah Zoo chhung hi an tuam chhuak chung pawhin a hnuhma hi ni 4.4.2024 atang kha chuan Zoo area chhung ah hmuh a ni tawh lo.

Heng avang hian savawm hi Zoo area pawn lamah a chhuak ni ngei a hriat a ni a, Zoo staff te chuan Zoo area pawn lam pawh uluk tak in an la thlithlai chhungzawm reng bawk a ni.

Hetiang a nih takah chuan naktuk ni 13.04.2024 (Saturday) atang hian Aizawl Zoological Park chu dan pangai angin mipui te tlawh theih tur a hawn leh a ni ang.

He savawm hi lo hmu emaw a chin hria kan awm a nih chuan a rang thei ang berin heng phone number 8837322990 (Zoo RO) emaw 8974450937 (Aizawl Wildlife Division) ah hian call whatsapp hmanga hriattir vat tur in an ngen.