ZALEN August 25, 2025 : Lalrinmuana (29) Bawngkawn chu Ningani khan Savawm in a seh a, damdawi inah enkawl mek a ni.

Lalrinmuana hi a hliam nasa hle a, a hmai, hmui leh a lu vun, a bek lamah te a hik bakah a tukhum leh a malpui-ah te a seh bawk. A thiante pahnih erawh chu an hliam na lutuk lo. Hortoki khawtlangin Lalrinmuana hi an zawn haw a, hliamte hi Aizawl panpui a ni a, midang hi chu first aid pek hnuah chhuah an ni.

Thudawn danin Hortoki rama Sangpuii huan, Kuhva, Panhnah leh Teak hmun sam turin Lalrinmuana leh midang 3 an riak a. Ningani tlai dar 4 pelh hnu khan an riahna thlam atanga lang reng, vau-a Lalrinmuana rawtuai la chu savawmin a lo bei a, an thawm chu thlama a riahpuite chuan hriain chhan an tum a, savawm chuan Lalrinmuana chhan tumtute pawh chu a lo bei ve leh nghal a. Lalbiakthanga leh Chungliana te chu savawm chuan a hliam ve bawk.