Sawhkhawk of the Day- Kan Congress Sorkar chuan kan ram mau sat turin vai 149 lai mai phalna an lo pe reng tawh a, hei hian tunah vai pawl pakhat HPC intite nen MoU an sign leh dawn a. Kan ram mau leh ruate dim hlek lovin, sumdawng rilru puin, a tuai nen lam min suatsak dawn a ni a, kan ram chu a va chereu hneh dawn tak em! A pawi thui hma hian kan sorkar hi inngaihtuah nawn leh teh se. A reng thu-ah engati nge Mizo tam tak aia he sorkar hian VAI-ho hi mal a sawm leh tlat thin? Kan thalaite kutah heng mau sah leh supply-te hi chu dah teh se. A ngaihna an hre lo a nih pawhin tlawma la lovin Pu Duhoma zawt mai se, a lo hrilh duh ngeiin ka ring. -  Zo Thalai Zalen hlutna hi Pu Chhuanliana huang hi a niin ka hria. Keini thalaite tan hian hmanlai Aizawl chanchin veng hrang hrang chanchinte hi a tam thei ang ber rawh ti se kan hlakpui berin kan hria. - €CY = TY€ Reverend zawng zawng an piangthar vek lo tih hre ve mai mai ila, Pu Chuaua pawh hian a sawi awm tawk tak a sawiah ngaih mai tur, a ngaihna a awm lo. - 9615557597 Mizo Idol/Icon tih vela mahni veng/khua nih vanga vote tura campaign leh inngen hi thil dik lo tak a ni. Zaithiam thlanna a ni a, vote hmanga inbeihna a ni lo. Tun hnai mai pawh khan khaw pakhat chuan uchuak takin an mi leh sa an vote a, awihawm loh khawpa tam vote hmuin a tling a. Mahse, tunah tu ngaihven mah a hlawh tawh chuang lo. Zaithiam thlan mai kha a nih dan leh kalphung dik tak a ni. - 8416046966 Mizo Idol tur thlanna chu a zuih ta hle a, an zai thiam e. Vanlalauva aw hi a mawi a, a pa bawk. An vaiin bang (wall) sut tlang tur an nei a, SMS bang leh Judge-te bang. Ka duhsak theuh. A thiam tehlul nen eng emaw ti takin Auva bang sut tlang tur hi a chhah zual ta riauva rinna ka nei! Ka tan erawh zawng Idol a ni tawh tho ve! - Lalhmingliana, McDonald Hill Pu Editor, Zu hi thlah zalen ni se zu vanga buai lo turin Mizote hi kan fing tawk tawh asin. Khap ni reng chunga sawtna awm lo hi a zahthlak lutuk tlat, Kohhran hruaitute pawh zaka kimki tur an ni. Sorkar thiltih leh hnathawhah ngawi ve mai teh u, roreltute hi Pathian ruat a ni tih Bible-in a sawite kha hre ve teh u. In beramte tan chaw tha eitlak hlui turin thahnemngai mai rawh u, in huang lo innawr tan tlat. - The Preacher Man MLTP ACT leh YMA hian Mizoram a tihrehawm ber an ti. - L.Kima, Kokrajhar Khua a vawh leh vawt kan ti a, a lum leh a lum kan ti. Tunah pawh hian kei chuan khua hi a lum leh tan tawh ka ti khawp mai, phunchiarna hlir mai a ni e. Ka phunchiar nachhan pakhat chu Korean film ka ning lutuk hi a ni. Korean film hi a tha lo ka ti hulhual chu a ni lo. Korean-ho hi hnam inzah tak alawm le an lo nih a, a tawng lettute hian an tawngkam hman hman thin kha fimkhur tawh ula a tha ang. Zoram mipui, naupang atanga nu leh pate buaipui ber a ni bawk si. Inhmang fimkhur thei lo a nih chuan chhuah tawh lo mai rawh u. Nun kawng tha lova min hruaitu tha lo tak a ni. - The Proof Thakthing tlangho kha in tuichhe paihna a chhia a, an kawngpui siam that khampheiah hian in tui chhia a luang a nia, rawn siam tha thuai rawh u. Tui chhia lehnghal, a tawp lutuk. Kawngpui siam thar chungah in chaw malte pawh a darh nuai a, a tenawm thei teh mai a ni aw!! Rawn ngaihthah suh u. Kawngpui tha leh thar kan duh si a, hetiangte chuan kawngpui siam thar pawh a tlo thei nang. Tin, tu leh fate i enkawl danah hian i hmanlai rilru put dan ang kha chuan i enkawl that hmel loh, tun lai thangtharte rilru put dan ze mil deuhva i enkawl loh chuan i siam that theih hmel loh bawk. Naupang zawkte thluak that chang a awm a, nangma ngaihin intifing lutuk duh suh. I Bible chang lak duh bik lai chauh hi sawi vawng lutuk bawk suh. Zan khat mitchhin tawk ta la, i nunna kha tu ta nge? Mi chapote chu Lalpan a dodal a ni. I thu hriat leh ngaihthlak kha vawng la, nunpui bawk rawh. - Malaria PV KTP/TKP, a bik takin ka’n ti teh ang. Hman deuh atang khan Kristian Hla Bua hlate hi an pawngsualin an phingchil a ni ber mai. Hla Bua hlate hi a bua a thluk ang taka dik taka sak tur a ni a, Pathian lehkhabu thu pawh a ziak anga dik taka chhiar mai tur a ni. Mahni duh ang anga tihdanglam tur a ni lo, Pathian Kohhran pawi nasa tak in khawih tih lo hre teh u. Hetianga hla sa, a thluk mahni duh thua tidanglamho hi Kohhran emaw, KTP/TKP hotute hian a solfa dika sa turin lo hrilh teh u. Chuti lo zawng Hla Bua hlate hi a thluk dik lova sak leh duh duha tihdanglam theih emaw thangtharte hian an ti palh hlauh ang e. - 9856835945 Central YMA hian zu a do ang hian ei rukna hi do se kan ram hi kan rin phak bakin a nuam ang (zu in mi leh zu duh loho tan pawh; tin, piangthar leh thar lo tan pawh). Ka ngaihdan leh hmuh dan dik takah chuan CYMA hian ei rukna hi a do ngam thlawt lo a ni. Zu zuar a dap leh action a lak ang hian ei ru dap chhuak ve se, ensante pawh tawk ve se, chhanchinbuah te chhuah hmingchhe ve se, a tul chuan kut hialte pawh thlak ni ve se (an tang lui a nih chuan); tin, Branch-te pawh in-duty chhawk ve thei se a lawmawm ngawt ang. Kan ram hmelma lian ber leh hlauhawm ber chu zu ni lovin EI RUKNA hi a ni. YMA tang fan fan!! - TETE DA BOZO KID Kan CM leh Home Minister te hian rukbo chungchangah hian mipuite hi min dem fo teh suh se. Tuikuk helhote hian Zoram mipuite min hlauh vang chauhva Mizote kha rawn chhuah niin a lang tlat, vaipa erawh an la kawl tlat danah hian. Kan sorkar hian thangthat hi lo lak phet lo tum lo zawk teh se. Thla hnih chhung khan hmalak ngaihna an hriat mawlh loh kha le, kei chu vaipa chhungte ka khawngaih ta khawp mai. - Kalphungthara Kei chu CEO ni ta ila Pu Zoramthanga hi court-ah ka khung duhin ka ring. Hetianga prove-na pawh awm si lova EVM puh hmingchhiat reng mai hi chu rilru natthlak ngawt ang. - 8794495291