In chanchinbu ni 27.4.2014-a hmun tam tak awh Open Letter to Pu Zoramthanga tih, Lalchhuana Renthlei ziakte ang hi chu rawn tichhuak tawh lo teh u a, tan la, nei lutuka thu ziak hi chu daily news-ah te chhuak mai mai se, thla khata vawi 4 vel chauh chhuakah chuan a ho em mai. Tin, a thil ziah dang chanchinbu danga mi pawh tan lam nei lutuka ziak thin a nih avangin kan chhiar peih lo a ni a. Hetianga chanchinbu special, thla khatah pawh tlemte chhuak angah hi chuan rawn chhuah tawh lo hram teh u. A ho em mai, article ngaihnawm tak dah nan a hmun awh hi a itawm em mai! - 9863360848 Pathian tihna nun kan neih loh chuan kan nun kalsiam hi a inher rem dik tak tak thei ngai lo vang. Dinhmun awhawm leh neinungin tluang viau angin lang thin mah se, miin PATHIAN thu awihna leh PATHIAN tihna an neih loh chuan buaina, lungawi lohna ten an nun a tibuai thuai thin. Remhriatna, finna te pawh PATHIAN tihnaah chauh chuan a awm a, hlimna tak tak min pe theitu pawh PATHIAN chauh chu a ni si a. He khawvelah hian zawng lungawina, hlimna tluantling tak tak hi a awm si lo. - 8415052704 'Mihring kan ni a, kan famkim lo alawm,' tih hi chhuanlam tling lo hulhual a ni. Kan famkim lo tehmeuh mai, Pathian hmaah chuan pawnchhe hnangkhai pawh tluk lo kan ni reng a; mahse, Mosia te, Paula te, Abrahama te, a dang pawh sawi tur an tam mai, engati nge an famkim si le? Mihring ve tho an ni si a, famkim tura koh an ni a, an famkim mai a ni. Chuti a nih si chuan keini pawh famkim ve theih tho awm tak a ni a, ngati nge chhuanlamah kan hman leh thin le? Galatia 5 thlaah khan tisa thiltih leh thlarau lam thiltih a lan vek kha, kha kha a ni mai alawm famkimna chu! Chhuanlamah i hmang reng a nih chuan engtikah mah i famkim thei ngai lo vang, zirtirtu mitdel i ni mai. - The Slam Dt. 20.4.2014 Sunday zan khan Tlawnga tui pump chu tanky-ah tui awm lovin pump a ni a, a pump-tu hian a mutsan ta daih si a, zanah khawl cheng nuai 25 man vel a kang chhia tih hriat a ni. Mahse, chanchinbuah chuan pipe chhia anga chhuah a ni hi a mak a, a pawi bawk. Duty-te inthlahdah vangin mipuiten tui kan harsat phah bakah mipui pawisa tichhetu hi department-in hum a tum hi a pawi khawp mai, mipui tham lohna a ni. - LIANA Kan dam chhung hian Pathian thutak chu kan sawi tur a ni si a. PATHIAN thutak lo hi chuan thinlung lairil a fan tak tak thei lo va, vawiinah hian engin nge min titlei a, eng nge kan tleipui ber hlawm le? Reilo te atana nawmna nge kan thlakhlelh a, kumkhua chatuan pawha chuai ve ngai lo tur leh kumkhaw nawmna tur zawk le? He khawvel hi zawng reilo teah a ral thuai dawn, rei a rial tawh dawn si lo; inpeih lote inpeih a hun tawh takzet zet a ni. Ropui takin Lal Isua a lo kal hunah hlim tak leh lawm taka tawk thei theuh turin i inbuatsaih sauh sauh zawk ang u. - 8415052704 Lok Ayukta ang hi kan ramah hian hman ni ta se, man kan tam duh ngawt ang. Mahni hlawh phu lova in leh lo nei leh motor tha nei kan tam awm si a, tanna tur jail lian tak sorkar hian sa phawt mai se, Kohhran Upa, officer hnuai lam, Kohhrana inhmang tak tak tang tur an tam khawp ang. - LIANA Ni, mihring hi mak deuh kan ni. An rilru hah changa zan rei tak taka min text a, min men hreptute hi harsatna tawh ve changa zan reia han biak ve dawn hian an reh tlat zel nia. An harsat chang chuan min hre leh viau lawi a, mak ve tak a ni. Mahse, khawvel a ni miau va, mahtea lungawi hi zir a ngai a ni ber awm e. Chan chau zawk hi chu harsat lai chiah hian min hria a nih hi tih a awl duh khawp mai; mahse, riangvaite thian Isua kan nei alawm.. - LRA Tun lai hian Zawlnei Jeremia 23:15 thu, 'Ram pumah Pathian pawisak lohna a chhuak' tih thu kha a thleng dik mek niin a lang. Ram hruaitu lu ber leh amah tantute chuan chal hnawihsen pawi an ti lo va, coconut sawhkeh pawh pawi an ti hek lo. Bible-in 'sual tinreng bul' ti hiala a sawi zu zawrh phalna pek tum mek tantuten Pathian Kohhran an sawichhiat phah ta. Kohhran hruaitute aw ai chuan ram hruaitute aw ngai pawimawh zawktu kan thahnem ta hle a, ram hruaitute leh anmahni tantuten mipui hmaah Kohhran demna thu hial an sawi chhuak ta fo va, ziakin an theh darh mek bawk a. Kum 1987-88 laia Kohhran aw pawisa lo ram hruaitute leh anmahni tantute kha mak takin an tlusawp a. Tuna ram hruaitute ni mekte erawh hi chuan Pathian hnena an tawngtai thu an sawi a, an tawngtai dan leh Kohhranho tawngtai dan erawh a inang lo niin a lang thung. Hemi thuah hian engkim hre thu Pathian rorelna a lo la lan ngei kei chuan ka ring. - Omoma Pu Sumah miin a rilru zawng zawng a pek chuan mi hmantlak a ni ngai lo. Kan dam chhung khawsakna atan hian sum chu pawimawh tak a ni a; nimahsela, sum ringawtah miin a rilru a pek chuan chhungkua pawh a vawng fel thei lo va, chhungkua chuan harsatna leh buaina a tawng ngei ngei a ni. Chunakah Pathian aia sum kan lo hmachhuan zawk chuan a fuh thei lo va, chhungkua a thlahthlam a, ama chungah pawh chhungkua a vui bawk thin. Amah Pathian lovin a thilsiam kan lo Pathian hian pawi tak a ni. Sum pawh hi Pathian avanga awm chauh a ni tih kan hriat a tul hle. Chuvang chuan chhungkua i vawng him tawkin i inhria em tih lo inzawt teh. Taksa bawrhsawmna han tawk ta chiah la, i sum kha ip pawpa thlak ang hlauhvin a ral hiau hiau mai ang. Chutah chuan sumin a chhan zawh lohzia che chu i hre mai ang. Pathianin i damdawi ei thinte kha mal a sawm loh chuan i tan thihna turah a chang thei bawk. - The Slam Kohhran aia MJA pawimawh ti zawktu Mizoramin hruaitu kan han nei mai hi chu hmabak a va eng lo em aw!! - No. thup Arsenal fans nih leh Pu Chhawnthuama fans nih chu a va hahthlak ve!! - ECY=TYE Aizawl sikul thaah kan fate kan luhtir ve thei lo, a fee a rapthlak lutuk! Aizawla sikul siam pakhat chuan ama sikulah a fate luhtir ngam lovin phaiah a dah daih, pawl 10 leh 12-ah chiah result tha neih an tum lehnghal! Mahni fate pawh luhtir duh lo khawpa sikul han hawnte chu tiin ka lo ngaihtuah ve mai mai. - LAL MICHIKA, AIZUAL

Ka lo ti ve mai mai thin a, buhfai, khawnvartui retailer thenkhatte hi chu sorkar hian kum hnih dan zelah thlak thin se la, a tira fel leh buk dik duh fute pawh hi kum 2/3 hnuah chuan an phakar em em tawh mai thin a. Tin, an hlawkna turah chuan tihhreh an nei lo bawk a. Hei vang hian an phakar a chhuah tak tak hma hian thlak zel a fuh berin ka hria. - Moia dt. SAWHKHAWK OF THE DAY Ka vei ve thilte ka'n sawi mai mai ang e. Zu chungchangah engvangin nge Kohhran a inrawlh kan tih chuan kan hun kal ta leh kan hmabak an thlir vang a ni. Mizoten hmanlai atang tawhin zu an in thiam ngai lo tih an hre chiang em a, zu khapna hlih duha kan in thiam ang tiho kha chu mi fing in ni a, in pawh in thiam reng ang. Mahse maw, mi mawl zawk, in thiam lo an tam lutuk, mahni chauh in ngaihtuah lovin mi dangte pawh thlir thiam a tha. Tichuan, zu tha in tih chu an zuar ang a, danin a khap loh chu sual a ni dawn si lo va, zu tha pawh hian taksaah chhiatna a thlen ve thei tho va. Kum nga hnu velah chuan zu tha in vangin thi lawk thei si lovin kan na reng ang tih ka va hlauh em! - 19 yrs. Kimi