April 6, 2014 Zalen chhuaka Chhuanliana BVT huanga a ziah kha a dik. Chhim lam chuan ABC hi English-ho lam dan angin Ei, Bi, Ce Di an ti ngei e, Hmar lam hian Welsh-ho lam dan angin E B C D an ti thung. Sap kan ni lo va, engtin pawh chuan lo lam i la a pawi chuang dawn em ni aw? Mahse, chhin lamho hi English-ho lam dan anga Ei Bi Ci Di an tih vanga thangtharten Paih-Peih, Mai-Mei ti ta chu an ni dawn lem em ni aw? Mahse, chhim lam leh an tihdan phung hian min chiah hneh (influence) sawt em mai a, a dik pawh a dik mai thei bawk e. - Captain America This Generation, USA chu an President-in neih inang inneih a remtih avangin an tlachhe mek maw? Haha!! Pathian hian tanpui ngai tak takte tanpui si lovin hremna lamah erawh a che chak hle ang maw? Chungte chu Pathian tlak a nih loh tawp chu! I Pathian i sawichhe der a ni zawk e. - That Generation Kan dam chhung hian Pathian thutak chu kan sawi tur a ni si a. PATHIAN thutak lo hi chuan thinlung lairil a fan tak tak thei lo va, vawiinah hian engin nge min titlei a, eng nge kan tleipui ber hlawm le? Reilo te atana nawmna nge kan thlakhlelh a, kumkhua chatuan pawha chuai ve ngai lo tur leh kumkhaw nawmna tur zawk le? He khawvel hi zawng reilo teah a ral thuai dawn, rei a rial tawh dawn si lo; inpeih lote inpeih a hun tawh takzet zet a ni. Ropui takin Lal Isua a lo kal hunah hlim tak leh lawm taka tawk thei theuh turin i inbuatsaih sauh sauh zawk ang u. - 8415052704 Ni, mihring hi mak deuh kan ni. An rilru hah changa zan rei tak taka min text a, min men hreptute hi harsatna tawh ve changa zan reia han biak ve dawn hian an reh tlat zel nia. An harsat chang chuan min hre leh viau lawi a, mak ve tak a ni. Mahse, khawvel a ni miau va, mahtea lungawi hi zir a ngai a ni ber awm e. Chan chau zawk hi chu harsat lai chiah hian min hria a nih hi tih a awl duh khawp mai; mahse, riangvaite thian Isua kan nei alawm.. - LRA Lok Ayukta ang hi kan ramah hian hman ni ta se, man kan tam duh ngawt ang. Mahni hlawh phu lova in leh lo nei leh motor tha nei kan tam awm si a, tanna tur jail lian tak sorkar hian sa phawt mai se, Kohhran Upa, officer hnuai lam, Kohhrana inhmang tak tak tang tur an tam khawp ang. - LIANA Sumah miin a rilru zawng zawng a pek chuan mi hmantlak a ni ngai lo. Kan dam chhung khawsakna atan hian sum chu pawimawh tak a ni a; nimahsela, sum ringawtah miin a rilru a pek chuan chhungkua pawh a vawng fel thei lo va, chhungkua chuan harsatna leh buaina a tawng ngei ngei a ni. Chunakah Pathian aia sum kan lo hmachhuan zawk chuan a fuh thei lo va, chhungkua a thlahthlam a, ama chungah pawh chhungkua a vui bawk thin. Amah Pathian lovin a thilsiam kan lo Pathian hian pawi tak a ni. Sum pawh hi Pathian avanga awm chauh a ni tih kan hriat a tul hle. Chuvang chuan chhungkua i vawng him tawkin i inhria em tih lo inzawt teh. Taksa bawrhsawmna han tawk ta chiah la, i sum kha ip pawpa thlak ang hlauhvin a ral hiau hiau mai ang. Chutah chuan sumin a chhan zawh lohzia che chu i hre mai ang. Pathianin i damdawi ei thinte kha mal a sawm loh chuan i tan thihna turah a chang thei bawk. - The Slam Officer rual, Upa leh rawngbawltu intite u, sorkar kum tawpah hre reng chunga in insiamchawp 'EI RUK RUNPUI' ruai in theh mup mup mai chu a nia maw!! Pathian mitmei in veng buai peih lo a nih pawhin in mihringpuite leh khaw eng tal hi ZAH nachang hre rawh u. Sunday a lo thleng a, AWIH THA ber emaw kha in inti lehnghal ang a, ZU in mite ni lovin nangni hi a ni Pathian mithmuha kan ram tibawlhhlawhtu chu!! - 9862588520 Lalpa chu mi vengtu a ni a, ka tlachham lo vang. Ani chuan hlobet hringdup hmunahte mi bawhtir thin a; chawlhna tui kamahte mi hruai thin. Ka nunna hi mi siam that thin a, Ama hming avangin felna kawngahte mi hruai thin. Lalpa ringtute tan hian manganna tur a awm lo va, Zu chhiah tih vel mai mai buaipuia lo kur tehchiam a tul lem lo. Tin, kan nun a tibuai ve ngai bawk hek lo vang. Sual a ni a, a tha lo a ni tih kan hriatna, thahnemngaih vanga zu chungchang hi sawi ve ka ni. Krista tana mi huaisen, amahah Krista hmel lang em emina hla a phuah, 'I din thar leh ang u' tih hian kan nun min kaihruai mawlh rawh se. - 9402520257 Tuikukte nena kan buaina chungchangah tunge thiama thiam lo zawk tih a hmuna rawn finfiah tum hauh lova a thiam zawk, Mizo mipuite awka ngaithla duh miah lotu, Ministry of Home Affairs hi a demawm takzet a ni. He thil hian ram leh hnam hnuk a khawih a, a serious hle a ni. Kan MP candidate-te ho hian inthlan kan boycott mai dawn nge mipui inthurualin vote kan thlak lo mai dawn? Chutianga kan tih ve loh chuan engahmah min ngai lo kumkhua dawn e. Central beng thleng ngei tura hmalak hun lai tak a ni e. - MTV Zawlnei ka ni lo na a; mahse, hei erawh ka chiang. Eng party pawh sorkar se, rethei leh pachhiate lam hawia ke pen reng reng an hmuingil zel ang. Pathianin, 'Heng mite ber chunga intih hi ka chunga ti in ni,' a ti miau alawm. Kan Bible hi a daw ngai si lo va.. - M2 Upa Chhawnthuama thu puan chhuah kha Congress-ho khan engtin nge in chhan tak ang le? Opposition-ho tal kha chuan chhuichiang turin FIR in thehlut ve dawn lo'm ni? Ngawih bopui chi a ni lo vang. - Thaduha Kan politician, MLA ni lai, an Kohhran Biak In kalhsaktua a tang hi chu mak ka ti. Pathian a hlau lo emaw ni le? Eng Pathian nge a lo biak thin ni ang le? - 9612762560 Zu khap duh vanga tawngtai rualho hi Kristiante ngaithei lo BJP an sorkar loh nan an tawngtai ve ang em le?! Nge, BJP thlawp tur an vote zawk dawn? - 9862372482 Vanglaini 5.4.2014 chhuaka Revd Chuauthuama lehkhabu rawn review angreng deuh, Revolution tih emaw ni, Rev. F.Sangvela ziah kha lei tur a la awm em aw? Ka chhiar ve chak a ni. - Akbar Mahni hming pawha SMS thawn ngam lo, Phantom inti, K.Chhawnthuama thu leh hla awih a, chaw tak khuka khukpuiho hi hman kuma Nibiru hlauho nen khan angkhatah ka ngai! - Lalchhuana Renthlei

Mizoramin thil thleng lian tham kan tawh chang pawha national news - DDK, NDTV, CNNIBN etc. leh AIR News Delhi leh NE News Shillong atanga puan takngialah pawh min han puang ve ngai miah lo hi kan journalust te thiam loh nge, kan ziak, report-te min chhuahsak tha duh lo zawk? Kan saptawng thiamte hian thil tak tak ziak hi an ngam lo em ni zawk le? Facebook lama kuthlei kan tam tehlul nen hian hei aia awmze nei zawk hian tak lak han tum teh u. - Kûtdenga SAWHKHAWK of the day Tun lai hian Zawlnei Jeremia 23:15 thu, 'Ram pumah Pathian pawisak lohna a chhuak' tih thu kha a thleng dik mek niin a lang. Ram hruaitu lu ber leh amah tantute chuan chal hnawihsen pawi an ti lo va, coconut sawhkeh pawh pawi an ti hek lo. Bible-in 'sual tinreng bul' ti hiala a sawi zu zawrh phalna pek tum mek tantuten Pathian Kohhran an sawichhiat phah ta. Kohhran hruaitute aw ai chuan ram hruaitute aw ngai pawimawh zawktu kan thahnem ta hle a, ram hruaitute leh anmahni tantuten mipui hmaah Kohhran demna thu hial an sawi chhuak ta fo va, ziakin an theh darh mek bawk a. Kum 1987-88 laia Kohhran aw pawisa lo ram hruaitute leh anmahni tantute kha mak takin an tlusawp a. Tuna ram hruaitute ni mekte erawh hi chuan Pathian hnena an tawngtai thu an sawi a, an tawngtai dan leh Kohhranho tawngtai dan erawh a inang lo niin a lang thung. Hemi thuah hian engkim hre thu Pathian rorelna a lo la lan ngei kei chuan ka ring. - Omoma Pu