April 6, 2014 Zalen chhuaka Chhuanliana BVT huanga a ziah kha a dik. Chhim lam chuan ABC hi English-ho lam dan angin Ei, Bi, Ce Di an ti ngei e, Hmar lam hian Welsh-ho lam dan angin E B C D an ti thung. Sap kan ni lo va, engtin pawh chuan lo lam i la a pawi chuang dawn em ni aw? Mahse, chhin lamho hi English-ho lam dan anga Ei Bi Ci Di an tih vanga thangtharten Paih-Peih, Mai-Mei ti ta chu an ni dawn lem em ni aw? Mahse, chhim lam leh an tihdan phung hian min chiah hneh (influence) sawt em mai a, a dik pawh a dik mai thei bawk e. - Captain America This Generation, USA chu an President-in neih inang inneih a remtih avangin an tlachhe mek maw? Haha!! Pathian hian tanpui ngai tak takte tanpui si lovin hremna lamah erawh a che chak hle ang maw? Chungte chu Pathian tlak a nih loh tawp chu! I Pathian i sawichhe der a ni zawk e. - That Generation 'I naupanna tumah ngainep suh se' tih a nih kha maw, ka'n sawi ve mai mai. PATHIAN MI DIK TAKA inti kha lirnghing leh chhiatrupna chungchang i sawi dan kha chuan thil i hre sual tlatin ka hria. Mihring chu inzir reng tur kan ni a, harsatna lo thleng hmachhawn dan pawh kan zir tur a ni. Pathian pawhin a phal ngei mai, 'mi â chuan a tawn mai a, a tuar phah thin' tih lampangte pawh a awm kha maw le! Harsatna a lo thlen hunah, tha, felfai leh nunna tam zawk kan chan loh nan Pathian cho lampang a ang lovin ka hre ve mai mai. TEEN BOY@ Sual avanga lungngai leh harsatna hrang hrang avanga rum mek te, chhungte pawhina an tuithlar tawhte panna tur hre lote pawh an awm mai thei e. Chungte hnen thleng phak hmangaihna kan neih hi a tul a, kan chunga thate chungah chauh that kan chhuah hi a kawng hmang lo va, kan Lal Isuan heng mi te ber chunga in ti hi, ka chunga ti in ni a ti a. Rilru na leh lungngaia awm mekte ensan ngai lo Lal Isua hi thian tha berah i neih chuan i hlim ang a, rilru hahna tur i nei dawn lo a ni. - 8415052704 Mihring hian inngaihsak kan lo va han mamawh tak em! Kan inngaihsak loh viau chuan chhungkuaah te, nu leh paah te, then leh rualah te, inngaihzawnna thilah te, rawngbawlhonaah te, hna han thawh tlannaah te, team work-ah te, sawi tur chu a tam awm e. Heng zawng zawngah pawh hian mihring hi kan inngaihsak loh lutuk chuan kan inzawmna hi a nghet tak tak thei lo va, rilru pawh a inang tak tak thei lo bawk. Kan inpumkhatna pawh a nep duh hle a ni. Chuvang chuan inngaihsak deuh hi a a tha khawp ang. - The Slam Khawvel ropuina leh mawina te a la chuai ang a, reilo te chhung nawmna nge kan thlakhlelha kumkhaw nawmna tur zawk le? Kawng dik lo lam kan zawh palh hlauh a nih chuan thlarau sual leh ramhuai awmkhawmna hmun, a hming pawh hremhmun an tih hmun chu i chang dawn tihna a ni mai. Felna kawng dik zawk kan zawh a nih erawh chuan riltam, tui hal, nat leh hrehawm awm tawh lohna hmun, Lal Isua hmun buatsaih chu ringtuten kan chang thung dawn a ni. Tupawh sawmna ngaithla duh lo chu an sawm nawn fo dawn em ni? - 9402520257 Joint NGO hmalakna hi Mizo mipuiten a bo a bang awm lova kan thlawp a ngai e. Sorkar mi leh sate pawhin kan eizawnna dahthaa ram leh hnam tana kan tihtheih hlu tak a ni tih kan hriat a tha khawp mai. Vote thlak niah phei chuan a hming lek pawha dan buai ngaia awm loh tur, kan force mite pawhin chet dan tawk kan hria ang chu! Mizo kan ni kan lawm e. - MTV Zoram politics hi chuan min va tiluhai tak em, thu dik zawk hriat a har se. Hmana Chaltlang khama Pi Hlimpuii bawm lum leh tuna EVM rigging sawi hi thil intluk tawk lek a ni mai lo maw? Kan politician-te hian thu belhchian dawl lo hi chu sawi tawh lo hram teh u. Mahni chunga meiling chhekkhawl in ni a nia... - Dawtninga Voter's ID lem hmanga thlawhna ticket book te kha Lal Phantom, a va Pathian thu lo ve!! Michael-a pawh hi ka ek tih tlukin i hria ang, min bum ti reng reng suh. Thawnthu kha insiam lawk diam a ni tih mipuiin kan hre vek. Mipui bum tak hmain jail tan kha a tha mai. Phantom-a hi chu rilru effect lutuk chi a ni hrim hrim a lo nih hi. Political party dangte pawh khan dawt a ni tih in hriat chuan Phantom-a hi lo phurpui tawh suh u. Pathian lawm zawng a ni lo va, a thil tih hi dawt phuahchawpin mi a bum a, a nihna nen pawh a inhmeh lo tak a ti a ni. Pathian rawngbawltu, dawt phuahchawpa mipui bum duh hi Pathian duh dan a nih ka ring lo, in zahder pawh ngai ka ti lo, banm hmakzzz - Rev. Sixx Officer rual, Upa leh rawngbawltu intite u, sorkar kum tawpah hre reng chunga in insiamchawp 'EI RUK RUNPUI' ruai in theh mup mup mai chu a nia maw!! Pathian mitmei in veng buai peih lo a nih pawhin in mihringpuite leh khaw eng tal hi ZAH nachang hre rawh u. Sunday a lo thleng a, AWIH THA ber emaw kha in inti lehnghal ang a, ZU in mite ni lovin nangni hi a ni Pathian mithmuha kan ram tibawlhhlawhtu chu!! - 9862588520 Lalpa chu mi vengtu a ni a, ka tlachham lo vang. Ani chuan hlobet hringdup hmunahte mi bawhtir thin a; chawlhna tui kamahte mi hruai thin. Ka nunna hi mi siam that thin a, Ama hming avangin felna kawngahte mi hruai thin. Lalpa ringtute tan hian manganna tur a awm lo va, Zu chhiah tih vel mai mai buaipuia lo kur tehchiam a tul lem lo. Tin, kan nun a tibuai ve ngai bawk hek lo vang. Sual a ni a, a tha lo a ni tih kan hriatna, thahnemngaih vanga zu chungchang hi sawi ve ka ni. Krista tana mi huaisen, amahah Krista hmel lang em emina hla a phuah, 'I din thar leh ang u' tih hian kan nun min kaihruai mawlh rawh se. - 9402520257 Tuikukte nena kan buaina chungchangah tunge thiama thiam lo zawk tih a hmuna rawn finfiah tum hauh lova a thiam zawk, Mizo mipuite awka ngaithla duh miah lotu, Ministry of Home Affairs hi a demawm takzet a ni. He thil hian ram leh hnam hnuk a khawih a, a serious hle a ni. Kan MP candidate-te ho hian inthlan kan boycott mai dawn nge mipui inthurualin vote kan thlak lo mai dawn? Chutianga kan tih ve loh chuan engahmah min ngai lo kumkhua dawn e. Central beng thleng ngei tura hmalak hun lai tak a ni e. - MTV

Zawlnei ka ni lo na a; mahse, hei erawh ka chiang. Eng party pawh sorkar se, rethei leh pachhiate lam hawia ke pen reng reng an hmuingil zel ang. Pathianin, 'Heng mite ber chunga intih hi ka chunga ti in ni,' a ti miau alawm. Kan Bible hi a daw ngai si lo va.. - M2 SAWHKHAWK of the day Synod hian committee sitting allowance an tipung a. Ka mi mal ngaihdanah chuan allowance la lovin inpek rawngbawlna turah ka ngai hmiah, Lalpa Kohhran rawngbawltute hi committee sitting allowance beisei turah ka lo ngai lo asin! Khawvel a ni miau a, Pathian leh a Kohhrante eizawnna atana hmang an awm a nih pawhin a mawh lo ve. Tawngtai duah hluah, in hmun lo ram tih vela duham hle si, an awm a nih pawhin a mawh chuang hek lo vang. Sum duh vanga missionary emaw, Pastor emaw hian piangthar lote chan tur aia rapthlak an chan loh hram ka beisei. - 9612221332