SAWHKHAWK of the day AMC-in sumo driver-in passenger pick-up tur a ni lova passenger-ten stand an pan tur a ni an ti hi a uchuak deuh lo maw? Driver-in stand a panna kawnglakah a passenger turte chu kal paha a lak kha eng nge a pawina awm le? Passenger-te sum save-na lo ni bawk nen, AMC-te pawh hian hriat thiamna thui tak a neih hi a tul a ni. - 9612693746 Tea, Azl kha i thil hriat a dik tlat lo, thu dik ka'n hrilh ang che. Roreltute leh Kohhran rawngbawltute i sawina a nih hmel a, ‘He leiah nuamsa bawk, vanah nuamsa bawkin an awm hmel si a,’ kha i ti a. He leia nuamsa apiang chu vanramah mi te ber an nih ka ring tlat a, nuamsa deuh tak chung hian vanram kan lut thei dawn lo a ni. Kraws kawng kan zawh mekna kawng hi kawng nuam leh awlsam a ni lo tih a hretute kan ni. - Hruaitea State dangah hetiang hian state sorkarin zirlaite scholarship chinsak ve se engtin nge an ngaih ang le? kawngzawh ringawtah chuan an lungawi lo tawp ang maw le! - 9862597997 Veng thenkhatin zu an duh lo hle mai, ei ru an duh loh thu erawh kan hre ngai lo. Ram thanmawh zawk hre si lovga zu kan do va, kan Pharisai chhung hian leh Lalpa inah chiah kan harh thara kan ni tin nuna Lalpa hmel lang tur a awm si loh chhung hian ram hi a chhe mai dawn asin. - 9612221332 UPC-in hnim phum lo, SDA-in Sabath serh lo chu vanram kai lo tura an ngai hi, rinna avanga khawngaihnaa chhandam tur kan nih hi an ring ve lo em ni? - 8794542031 Engvangin nge i inkhawm thin? Hman ni khan naupang pakhat inkhawm turin a insiam a, ‘Engvangin nge i inkhawm thin? Engti turin nge Biak Inah i kal thin?’ tia ka han zawh chuan chu naupang chuan inkhawm ni a nih vang leh nu leh paten inkhawm tura an tih vang chauh niin a sawi. Pathian be tura inkhawm a ni tih a inhre miah lo. Engvang nge? A nu leh pa thiam loh a ni, Pathian biaa inkhawm a ni tih an hrilh loh vang a ni. Chawlhni tinin i inkhawm thin pawh a ni mai thei; mahse, Pathian aiin nangmah i indah pawimawh zawk si a, i kawr man leh i perfume leh thil dang man a to lutuk! Khami man kha Pathian tan han pe zawk la aw...! - SB Kan state sumpai dinhmun chhia siam that nana an VIP mi retheite hnen atanga leiman chhiah, tui, electric leh buhfai man uchuak lutuka an tisang hi chu hriat thiam a har a ni. Hmangaihna mak tak chu kan ti dawn nge hmangaihna vanduai kan ti zawk dawn? Hetia an ti dawn a nih chuan anmahni atangin tan se, hamthatna an dawn zozaite hi titlem ve deuh se, tui, eng, phone, motor, oil, in luah man, zinvah leh a dangte hruaitu/hotu an nih ang ngei hian an ni hian hma hruai rawh se. - 9862136235 Hman ni ka leng turin Mission Venga in kang bulah ka chhuk thla a, kawng pengah hian dawrte a lo awm a, a chhungah mi 5 an lo awm a, ka hmuh lai ngeiin an inchiu ngam nia. An thenawmte pawhin, ‘No. 4 zuar an ni a, kan ning tawh lutuk, kan fate tan pawh a him lo,’ an lo ti a. YMA hian vengpui, kan entawn an ni a, hmalak a va tha awm ve aw.. - Mary pu, ITI Mahni venga zu zawrh phal lote u, No. 4 leh local a ruka zuarte hi engtin nge in tih ve dawn? - Hming thup Dawrpui Vengah zu zawrh kan phalrai e kan ti hauh lo; sorkar thiltih apawng apuia lo dodal ngawt hi khua leh tui tih tur a ni lo e,' kan ti mai a ni. A that loh viau chuan kan ennawn leh ang. Mahni venga zu zawrh phal lo, Dawrpui Venga rawn lei ni tin an pung zel. Total Prohibition chhunga an venga zu zuar awm reng, khawthlang pawhin an hriat rengten sorkar dodal zawnga an venga ‘zu zawrh’ an phal lo hi hriat thiam harsa ka va ti em, kei mi mawl hian! - Dawrpui pa Kan khawvel chu sawi loh, kan Zoram tak hi chu aw, Kristian ram kan ni si a! Lalpa mite zingah pawh sual a han pun nasat tawhzia hi. Aw Zoram, harh la, i Pathian tawk turin inpeih rawh. - 18 yrs girl, Lungsum Kelkang kal kan intihmuh a, khawlai leh Biak Ina riah ngai hiala tam mi kan kal ta. Kelkang kal dan hi hetiang ruahmanna siam a tha ang. Mahni duh hun huna kal lovin Kelkang kal tumte kal hun tur Kelkang VC-in hetiang hian ruahmanna siam se. Bethelna hmun zawh tawk, mikhual thlengtu chhung tin dinhmunte hre chungin, ni tin mikhual awm thei tur zat bituk siam se, chumi ang chuan Kelkang kal duh apiangte in-report-na tur phone number tar lana in-report-te kal hun tur ruatsak vek ni se. He ruahmanna hi Doordarshan, LPS leh Zonet-ah te puanzar ni se. Heti luai luaite chuan kan kal chhan Pathian pawlna hmun fianrial tawngtaina hmun leh hun pawh kan intam chhuah a, Kelkang Kohhran leh khawtlang nunphung kan tibuai rei ta e. Kal tumte tan insum rih a va tha em! - Vanlalchhuanga, Venghnuai He Mizoram, Kristian ramah hian Zu hi a va han sual tak em! Aizawl veng hrang hranga pawl hrang hrang hruaituten an vengah zu dawr awm an phal lo vek mai chu a ni si a. Mizo Kristiante tan zu baka sual hi a awm lo a lo ni e. Zu zawrh duh lova kawng zawhten zu lei theihna card an nei a, zu zawrh duh lova tawngtai thin leh lehkha tar thinten zu lei theihna card an nei a, zu do nasa ber Excise-ho leh YMA-ho lahin an zu man sa leh an zu kawlte an inin an hralh zel bawk si. Kum 17 chhung zu khap burna rama zu tamzia kha aw... Heti mai hian maw Mizo Kristianten zu kan huat a.. Kan Bible-in eng nge sual a tih ber leh a huat ber hi hua ila, i do tlang zawk teh ang u khai, Mizo Kristiante hian... - Tea, Azl. Car thar man tam tak tak a chhuah thar leh tawh hi, Pute u? Motor thar leina budget in siam thiam a, pu berin zahawmna a ti bawk nen, in lei leh mai dawn lo’m ni? - 9862597997 Tlanghmingthangan AYUSH Hospital saknaa pawisa a dawn Lalsangliana, EE puhna chu dawt a nih si chuan engati nge defamation case hi Tlanga hian a file mai loh. Dikan hi a fam ta a nih ber mai hi kan ramah hian, nge an insiam rem ta mai zawk? Sangliana, EE hi tunah pawh hian ei ruk case 4 vel a la nei chung hian EE post tha tha pahnih a la chelh mek a ni awm a, mak tak chu a ni, kan ram ropui tak hi hi! - THANGA Kohhranin sorkar kalphunga sawi a lo neih hi a tih tur awm tak a ti a ni zawk em? Kan Bible kan en chuan zawlneite khan an ram roreltute kha an kal dik loh chuan an khak a, na tak takin an bei a, an sawisel thin a, tunah hian Kohhrante hi kan zawlnei an ni ve mai zawk lo maw? An sawisel leh kawng dik nia an hriat an sawi hi an tih loh tur an ti a ni lutuk bik lo a ni mai zawk lo maw? Kan rin Bible-a zawlneite chet thin dan nen hian a inang riau zawkin ka hria. Huai taka mahni lawina Kohhran sawisel ching phei hi chu an Kohhrana an lungawi loh chuan chhuahsan daih mai awm tia ngaihtuah chang ka nei fo mai. Mahnia ngaihdan nei theuh kan ni a, sawi chhuah fo hi tul ka ti lo.- Ropuia