SAWHKHAWK of the day Kan Mizo hnam himna tura hmalakna awmreng rengah hian ngati nge kan political party-te leh sorkar official-te hian Mizo hnam tana hnawksak, hnam dangte thlavang hi an hauh tlat thin le aw..? Mizote min tihbuai tumtu CHAKMA-ho hi STTE Category-I atang hian a rang thei ang bera paih ni rawh se. - MTV Pa kima, ITI khan Mizoram mipui tam zawkin sikul tan hma an duh zawk nia i sawi hi khawi atangin nge i hriat? MZP leh Zonet-a Zonet neitute zinga mi Pu R.K.Lianzuala leh a pawlte, Dr. Lianzela te ho, mite harsatna hriat thiampui miah lotute titi leh duh dan i hriat vang ngawt khan kan ram mipui tam zawkten sikul tan hma kan duh tihna a ni kher lo. Sikul tan hma duhho hi chu chhungkuaa ei zawn hna kawng khat chauh thawka chhungte buaina hriatpui miah lo, ei tawp, mua tho leh tawp, a fai sa leh nawhmam sa inbel leh tawp chi in nih hmel vek. Chuvangin, sikul tan hmain in tan buaina belhchhahna tur a awm lo va, in sawi mawi a ni. Chhungte chawm zovin, kan tihsen loh tihpuitu tur min laksak vek thei bawk ula, sikul tan hma chu kan duh tlang vek dawn nia. A duhho hi chuan in chhung in chawm hneh hle mai thei, in tih ang ti thei lo hi chhungkaw tam ber kan ni tih hre rual chu in ni asin mawle! - Puipuii Pi

Mak ka tih thin chu engvangin nge Mizote hian mi dik leh mi thate hi fak chu sawi loh, kan sawisela kan ngaihsan loh tlat zawk thin le? Heng mite ai chuan eiru, chhungte duhsak ching, an thil tih thup nana hna lem thawka popularity khel thinte hi kan ngaihsan zawk tlat thin le? - M2 MLPC Act hman hman a nih dawn avanga zu zuar ve duh lo vengho kha lo buai reng reng suh u, in zuar ve phak lo tawp ang. A thu hrimah, ‘LOCAL’ in intodelh a ni chek ang a..?!! - Suaka, Azl. He mizoram, Kristian rama Kohhran pawl hrang hrang te, khawpui leh thingtlanga mite, Pathian Biak Inte hi a va thain a va mawiin a va ropui hlawm tak em! Pathian ram thawhlawm lah a va pung chak tak em! Mahsela, thlarau lamah Kohhran mipuite leh hruaitute kan va ro tak em! Mahni hma kan va sial hlawm tak em! Thenawmte kan inhmangaih lovin kan inhaw hlawm hle bawk si a, Lal Isua kha lo kal ta se engtin nge min tih ang le? Mita hmuha mawina zawn leh thatna pawnlang, thinlung sual si kan va tam em! Engtin nge thenawmte kan inhmangaih theuh theih ang le? Tute nge mawhphur ta ang le, Kohhran hruaitute nge ram hruaitute? - Tea, Azl. Kristian ram inti si, heti em ema zu kan buaipui hi chu a va zahthlak em! Zu ngawt sawi sawi lo hian kan thlarau nun lamte hi vei ila kan thatpui zawk ngei ang maw le! - 9774791261 kan ram tluka rorel tura kan thlan lal ni si lo, rorel tum ve tum si an tamna ram hi ram dang a awm ve ang em le? Politics khel ngam tak tak mang si lovasorkar inrelbawlnaa rorel lo tum ve phetho hi hnawk inti ve em? - Scholes L.S.Khawlhring Chanchinbu-ah advertisement kan uar ve ta hle mai, mi hun leh sumte kan tihheka kan in-phone buai loh nan man nei chi reng reng chu a man i ziak hram ang u khai! - M2 Sikul tan hun chungchanga mi thiamte ti ti kha ka lo ngaithla a. Anni ang, retheihna hre thiam ve map lo tan chuan a tha phian mai thei, keini ang duang tan chuan fate ngaihtuah leh rilru hah ngawih ngawihin hun kan hmang tawh dawn a nih hi. Zingah exer te lain hotu (zirtirtu) te hnuaiah an zir ve thin a, tunah engmah tihna hun an neih tawh lo’ng. An hotute chhun lamah hna an thawh a ngai ve si. Chawhnu banah thil zirtir vena tur kan nei si lo. Keini ang hi Aizawla chengah hian za zela 80 vel kan ni dawn si a, tun atanga kum li/ngaah chuan khawikipah pawh sualna a pung dawn a ni. Azu an phalrai dawn bawk nen, rilru a va han hah tak em, kan rethei em a ni! Roreltute hmakhua thlir sual vang a ni e, tih hun a la thleng ngei ang. Lo ngai reng rawh u’n. - TC VARTE Mizoramah hian eng hunah pawh an fate sikul kal se buai map lo tur hi zaah 10 vel hi chu an ni tawk ang. An fate sikul banah eng pawh zirtir se buai map lo tur. ZIr hun sawn hma avanga thiam phahna tur a awm lo va, thiam phah dawn ta se mi tinin an duh vek ang. Chuan maw, a tithei leh neinungte khan lo hre mawlh teh u’, sikul tan hmaa ban hma chuan nangni angin kan fate zirna tur dang pekna kan nei ve dawn si lo, eng nge an tih tak ang? Sualna puak chhuah mai lo chu. A hun pangngai pawh hian ven sen an har a nia, tihhma a nih chuan tun atanga kum nga velah chuan zir chhuak tak tak mang si lova hna thawk peih lo, chhungkua leh khawtlanga hnawksak an tam ngawt ang. Chu chu kan hotuten nu leh pate duh lo chunga ruahmanna in lo siam vang a ni thei ang. Chungte chu kan rah seng tur chu a ni e. - MIPUI AW Kan vengah chuan gas sem a nihin Local Council ten bur ruk zel quata an nei thin a an ti a. Gas semna hmun hi point li a awm bawk a, hmun liah gas sem a nih chuan bur 24 kawng a bo tihna a nia. Sorkar lah hian mipui hmakhua ngai nia insawiin special permit te, VIP quota te a titawp lawi sia; mahse, a ni lo lamah hetiang zat hi a liam leh tho si avangin bang chhak sahthlaka bang thlang bel an sawi ang chauh kan ni mai lo maw? - 8575321003 Zu hi rui lova in hi an vang khawp ang. Rui kan teh dan azir mai mai a ni. A ruihna hi awm lo se tumahin an in peih ka ring lo. - 9856950562 Pawisa khelh chingte leh zu ruih hmang te, an hnena zu in tur hralhtu leh an hnena Zu ZAWRH PHALNA PETU nen HREMHMUNAH AN LIAM TA DIAL A. He hla hi a thleng dik dawn a nih chuan A VA RAPTHLAK DAWN EM!! - R.L.Tawna DT CM LAL thanhawla hian tul leh mamawh ang zelin sorkar motor lei a tum zel bawk tih thu House a hrilh bawk a, heti a nih chuan engineer - EE leh SDO te motor turte hi lei ve se, office-a kawl mai mai tur lei teuh ai chuan anni hian an mamawh nasa si. Ram hruaitu fing leh nachang hria hi kan va mamawh tak em! - RAMHMANGAIHA ZU hi a pawimawh khawp mai, a chhe lam leh a tha lam a tam sia, ngaihdan a tam khawp mai a, a duh leh duh lo inhnial ula, sorkar hian a tih tur ti sela, pawm mai ila a tha mai lo maw? Zu chauh lo pawh a thatna leh that lohna a tam tho sia. - 9612204561 He Mizoram, Kristian ramah hian Mizo Kristiante hian eng nge sual/tha lo kan tih bera kan huat ber tur hi le? Kan Bible-in sual/tha lo a tihte hi a then tha kan ti ang a, a then tha lo tiin kan lo thliar ve ngawt dawn em ni le? Bible-in sual/tha lo a tihte chu tangka sum ngainat te, ei ruk te, rinawm loh te, duhamna te, mahni hmasialna te, uire te, tualthah te, pawngsual te, zu te, chawhpawlh nun te leh a dang tam takte. Heng sualna chi hrang hrangah hian Mizo Kristiante kan fihlim felfai tak tak em le? Mizoram, Kristian rama sual ber leh sualna ber, khawtlang leh Kohhran tibuai bertu leh ram hmasawnna tur dal tlattu chu zu hi a lo ni e kan ti theuh mai dawn em ni le? Pathianin eng nge sual a tih ve le? - Tea, Azl.