Sipel tihsual an sawi sap sap a, thupha in chawi a, a lawmawm e. Zalen chhiar a manhla thin, Dr. Hekima titi hi a hlu khawp mai, rawn ti zel teh se.- Kima Zalen chanchinbu chu min pe ve thei dawn ta lo nge ni a, 26-7-2014 12:01 PM-a No. 3892328115 atang khan ka hming leh vengte min rawn zawt sia, tun thla thar Sunday-ah pawh ka hmu si lo va.. - 9615488519 Supply Minister atan hian khawpuia seilian ni lo, thingtlanga seilian, thingtlang mite harsatna hrechiang leh hriatthiampui ngei mi a lo ngai a nih hi. Thla khatah buhfai kg 2 ringawt hi chuan puar ngaihna a awm ngang lo a ni e. - 9862838074 Treasury Square-a Office lian taka Director hlui fanu pakhat chu kum khatah vawi 12 vel office a kal thin a (hlawh la turin), chutichung chuan ACR-ah ‘Good’ tih a inziak ziah tho an tih chu! Mizoram nge nge, lawilo dawrpui nih kan phu e. - M2 Mi tin roreltute thu thua awm tura Kristiante Pathian thuin min zirtir lai hian veng thenkhat hian Pathian mi ruat roreltute do zawngin an veng chhungah zu zawrh an phal lo mek zel a. Kan puithiam pakhat phei chuan mipuite fuihpawrh zawngin chanchinbuah te thu a chhuah a, a tha lo hle a ni. Isua zu in mi titu Pharisaite nen khan kei chuan an danglamna ka hre hauh lo mai. Kei chuan a hming maia lan mawi tumtute hi veng entawntlakah kan puithiam pakhat ang hian ka ngai ve lo ve. - Sawma pa Mahni veng chhunga zu zawrhna awm duh lote hi ruling lam an nih loh hmel! - 8732078556 Kan Bible-ah chuan sualna tihpun a nih tur thu kan hmu a, chutih laia sual lo do vak mai hi Kohhrante hian kan tidik ber em? Lal Isua hian amah ringtute chu sual laka fihlim turin min zirtir a ni zawk. - 9402521999 Ram tana tha tura ngaihah chuan huaisen taka hmalak a ngai. MLA thlan dawna chal hnawihsen buaipui em emte kha Kohhran hruaitute pawh an ni. Zu chungchangah pawh hian sorkar hi a dinna ngaiah huai takin ding teh se, mi tam tak, ngawi rengte hian kan tan tlat a nia. - 8794316079 Ka huphurh lawk ber mai chu zu kan han zuar ang a, eng emaw chhete accident a han awm ang a, fel em em intihoin, ‘Kha maw, ka tih reng kha, hetiang tur kan hriatlawk avang hian alawm kan duh loh,’ an han ti vel hi alawm ka huphurh lawk. Zu khap bur laia chhiatna rapthlak pui pui kha an hre duh dawn tawh der si lo. - Tluanga Central YMA hruaitu a nih laia Ram leh Hnam Humhalh tuipuia iak iak thin leh Central YMA-in Minister atanga bang tura nawr an tum Chakma pate lah chu State Assembly House-ah thukhat vua an tanho a ngai chu a ni ta si a le, ram leh hnam veitu tak tak hi engtikah nge an rawn chhuah ang tih mai a va awl em? - Scholes L.S.Khawlhring Central YMA hmalakna a ropui thin khawp mai, damdawi hmansual chi an mante hi man lo ta se kan nula leh tlangval engzatin nge chhiatpui ang tih hi ngaihtuah tham tak a ni. Amaherawhchu, ruihhlo halral thinna hmun, Central YMA Office kawt hi a fuh lo, damdawi chi hrang hrang hal khu hi a rimchhiain chemical a tel tam hle ang tih a rinawm a, Central YMA Office chhaka awmte tan a khu rim hi a tawrhhlelhawm tak zet zet tih min hriatpui hram teh u. Tlang chhipah emaw, hmun fianrial deuhvah emaw hal ni thei tawh sela a duhawm khawp mai. - 8132813798 Kan Pathian thu chuan zu in mite chu tuifinriat lai taka mu ang leh lawng puanzar chhipa mu angin an dinhmun rapthlak tak a sawi a,retheihna nasa tak an chunga thleng tur nen. Thufingte 23:21 leh 34-ah chiang takin a ziak a. Chu mai ni lovin a tihsualtirtute pawh rawhtuina meiah paih an nih tur thu Matthaia 13:41-ah kan hmu bawk a. Heng mi chi hnih hremtar turte zingah hian tel ve lo turin Zofa ka unau zawng zawngte ka han sawm nghal che u a ni e. - Kristiana Thawhlehni khan Chanchinbu pakhatah ‘Kohhran sawichhiat hi’ tih kha kalo chhiar a, a ziah that viau laiin a lehlam zawngah chuan kan ramah pawh zuar se, duh lo chuan an in lo mai ang chu, tumah ‘in rawh’ an inti lo vang. Ram hnuk khawih zawkei rukna hi haw tlangin vei zawk hram thei ila aw?!! Kan Pathian pawh hian zu kan huat tluk leh langsar taka kan do hian ram hmasawnna tur ei ru thinte hi langsar tak mai hian do ve ila, tawngtai hnan ve siah siah mai ila a lawm zawk ngei ka ring thin. Hemi ni veka ka hero, Pu K.L.Liana article ziahte hi Pu R.Lalrinawma, ITI hian han chhiar se aw! Mi tin hian ngaihdan hrang chu kan nei theuh va;mahse, Pharisai lo hram ila.. - 9862372482

Revd Chuauthuama huaisenna leh thahnemngaihna hi a va hlu em! ‘Veng entawn tlak’ tih a ziah hi a tha hle mai. Mi thiam, mi huaisen, Kohhran leh kan ram leh hnam tana tha tur, Bible zirtirna huaisen taka auchhuahpui ngam, Revd Chuauthuama kan nei hi Mizo Kristian leh Kohhranho kan vannei hlein ka hria. Amah ang mi huaisen, thu dik hria, mi thiam, an hriatna auchhuahpui ngam kan ram leh Kohhran hian tam tak neih a pawimawh ta hlein ka hria. Kohhran leh sorkar zu chungchangah an ngaihdan leh duh dan a indo va, Kohhran duh dan zu thlah zalen loh chu sorkarin a hnawl a, zu zawrh/zu dawr siam phalna dan a pass a, kum 2014 chhung hian hman tum a nih thu Excise Minister-in a sawi ta a ni. Zu thu-ah hian Kohhran aw nge sorkar aw inzawh fo pawh ngaiin a lang tawh lo ve, innghirnghona tihchhuahna mai mai a ni tawh. Eng anga ring pawhin au mah ila, sorkar chuan a kal tumna a tidanglam tawh dawn lo. Kan tihtheih chu zu inlohvazu zawrh loh a ni. Zu zawrh sawi mawi leh sawi chhiatin sorkar ngeng a khawih phak lo ve. Saipui kal lai a la kal zel a, uitang rualin kanlabauh ding rih lo ve. Pathian hun tiami nghak ang u. - Vanlalchhuanga, Venghnuai SAWHKHAWK of the day He Mizoram, Kristian ramah hian Mizo Kristiante hian heti em em maia sum leh paia khua kan hmu lo ta mai hi tute mawhphurh nge ni ta ang le? Vairengte chhak, Kristian ram china mahni ram chhunga thil thar chhuah leh ram pawn atanga lak luh leh motor chi hrang hrang chuanman leh lu meh man leh hlawhfa rate thlenga kan tito leh vawkte man heti em ema a to tate hi Mizote hi Pawisa Kristian, Thatchhe Kristian kan ni ta em ni le?! Bible-in ‘Tangka sum ngaihnat hi sual tinreng bul’ a ti bawk si a, thatchhiat a phal bawk si lo va; chuvangin, kan Kristian ramah hian sual tinreng a pung ta a ni e. Nakinah chuan SUM KOHHRAN leh PAWISA KOHHRAN a la awm lo vang tih pawh a sawi theih loh ve! Nge, an lo tam tawh zawk le? - Tea,Azl.