Sawhkhawk of the day A thei leh ngam chuan Ei ru miah miah sela, a khat tawkin ei ru lo thlang leh thin ila a ni mai alawm!! Tisualtu hrem aiin tisual lote thlan chhuah ramin a thatpui zawk turah kan ngai a ni awm a, kan thatpui leh thatpui loh chu hunin a la hril ang chu maw! - 9774354495 Sunday Chanchinbuah puitling film actress chungchang chu rawn chhuah tawh lo ula a lawmawm ngawt ang. Tleirawl, rawltharte tan pawh a that lohna a awm thei e. - 8259909701 Zalen chhiar a manhla thin e. Hawrawp dik lo hi an sawisel thin cheu va, inziaawm chho viau a; mahse, a chhuak hnuhnung vawi hnih vel hi a awm leh ta nual mai. In fimkhur leh fimkhur loh leh in tan leh tan loh hi a hriat khawp mai. Han tangmar pat teh u. In thu chhuah erawh a chhiartu tan a manhle em em reng mai. - Asawmi Chhuak hmasa khan an rawn sawi a, kei pawhin ka lo vei deuh. In chanchinbu hi fakna a tlem thin khawp mai a, a man hi to ti deuh thin mah ila pawimawh lo (ti mai teh ang) chhiar tur a awm ngai loh avangin a phu tho tiin ka lo tang thin a. Sumdawng in ni a, fakna awm lo tawp hi chu a theih loh vang; mahse, tun lai hi a va tam thei ve. Infak tur hian mi insawm emaw tih mai awl a ni. In thu erawh chhiar a nuam reng tho mai. - Sma Intikelkang kalho hian a kal lo aiin sawisel an haw fe zawk an ti!! I awih em? - 8731002757 Mizo zaithiam pakhat chu sap ramah a kal a, Mizo hla sak tur a hre tawh lo a ni maw? Kei chu a awmzia ka hriat loh hla hi chuan min hneh mang der lo nia! - 9774354495 Mahni ka inthunun theih nan te, ka zaidam theih nan te, ka hlima ka lawm theih nan ka tawngtai reng thin asin. - Angaihtei lungsum August 13, 2015 (Ningani)-a chachunbu pakhata ‘Traffic chungchanga ka ngaimawhte’ tih ziaktu side khat atanga ka chhanna: private-a car nei thei aia veivahna atana motor nei thei lo kan la tam zawk avangin mipui tam zawk mamawh taxi hi khawpui lun lai, kawn tha laia dah a ni. Taxi stand-ah hian private car hi han ding thup mai sela chu ni tin ei chawp zawng, bazarnu/pa hi an va buai dawn em ve aw! A chhan chu kawn remchang leh lun lai a ni tlat alawm. Sorkar hian private car nei thei chin ringawt a ngaihtuah lo va, mipui nawlpui hman theih tur taxi dinna a pe thin a ni zawk e. Miin loan-a taxi an lo lak ve leh mipui mamawh a nih karah hian taxi pawh pawngpaw hnualsuat lutuk lovin ei ruk/sum ngainat hi kan do zawk dawn lo’m ni? - Ruatfela pa pawisa harsat thu kan sawi kan sawi laia a crore tel tela NLUP sum kan sem chhuak leh chur chur tho si hi sum thawhtu mipuite rilru hi a ni thin e! NLUP an sem zawh hlim lah hian Two Wheeler thar, in-register tur 20 atanga 30 vel hi chu a awm ve ziah bawk. Heiha, huiha!! - 9615462709 Ei ru lo kan thlang zo ta bawk a, tunah ei ru nasa ve thung aw..!! Kan thlang ang a, kan puang ve ngei tur a ni ang. - Vox populi Pathian thu hi a ngial a ngana lehlin vek kher ai chuan eng nge a swi tum tih fiah taka leh a tha zawk. Sam 23-na pawh ‘Min vengtu chu Lalpa a ni a, ka tlachham lo vang,’ tih khan a fiah tawk em em a ni. ‘Ka beram vengtu a ni’ tih chuan keiin beram ka nei a, kan Lalpa Isua chu a vengtuah ka ruai lek tih a kawk! A dik thei hlawl lo. Sakawlh hlau leh hlau lo/a number pu duh leh duh lote kan inthliar mek. Mi tin amah haitu zawng chuan kouluihna ri an hria ang. Unau, koh luih i nih loh nan tun lai thil awmzia i Bible nen lo zir chiang ngam teh. Khawvel thil tha hi kan hai bik lo, kan Pathian duh loh thil a inzeh ruk avangin kan chân ngam a ni zawk. Amah ringtute hi kan Pathian hian Joba te, Stephana te, Daniela te anga kan tawrh a phal asin. - Puipuii pi He Mizoram, Kristian ramah hian Zu hi a va han sual tak em! Aizawl veng hrang hranga pawl hrang hrang hruaituten an vengah zu dawr awm an phal lo vek mai chu a ni si a. Mizo Kristiante tan zu baka sual hi a awm lo a lo ni e. Zu zawrh duh lova kawng zawhten zu lei theihna card an nei a, zu zawrh duh lova tawngtai thin leh lehkha tar thinten zu lei theihna card an nei a, zu do nasa ber Excise-ho leh YMA-ho lahin an zu man sa leh an zu kawlte an inin an hralh zel bawk si. Kum 17 chhung zu khap burna rama zu tamzia kha aw... Heti mai hian maw Mizo Kristianten zu kan huat a.. Kan Bible-in eng nge sual a tih ber leh a huat ber hi hua ila, i do tlang zawk teh ang u khai, Mizo Kristiante hian... - Tea, Azl. Kohhranin sorkar kalphunga sawi a lo neih hi a tih tur awm tak a ti a ni zawk em? Kan Bible kan en chuan zawlneite khan an ram roreltute kha an kal dik loh chuan an khak a, na tak takin an bei a, an sawisel thin a, tunah hian Kohhrante hi kan zawlnei an ni ve mai zawk lo maw? An sawisel leh kawng dik nia an hriat an sawi hi an tih loh tur an ti a ni lutuk bik lo a ni mai zawk lo maw? Kan rin Bible-a zawlneite chet thin dan nen hian a inang riau zawkin ka hria. Huai taka mahni lawina Kohhran sawisel ching phei hi chu an Kohhrana an lungawi loh chuan chhuahsan daih mai awm tia ngaihtuah chang ka nei fo mai. Mahnia ngaihdan nei theuh kan ni a, sawi chhuah fo hi tul ka ti lo.- Ropuia Naupang Inkhawmpui a lo hun leh dawn ta a, he inkhawmpui hian keini mi thei nu leh pate chu min va sawisa nasa leh dawn em! Mi hausate u, in fatein hmangaih loh vang ni lovin, mi retheite inkhawngaih avang zawkin in fate kha thawmhnaw thar leisak lo ngam teh u. - Akhawngaihi Ei ru lo an thlang a, officer zinga Pu Lalhmasaa a lo lang a, ka lawmpui hle mai. Ani hi hre chiang ve lo mah ila, miten an sawi dan atangin Kohhran Upa, mi dik a ni an ti thin a. Ka lo ralkhat lawmpui ve hle a ni. Ani anga mi dik vek hi officer-te hian nih tum teh u. - Mawia Ori MZP-in em ni ei ru lo thlang kha? An ti tha hle mai. Ei ru pawh thlang chhuak ngam ta ila a va tha dawn em! Hei erawh a ngamawm chiah lo mai thei e; mahse, ei ru chu vantlang hian kan hre khawp tho mai a, ei ru lo erawh hriat vek an harsa a, hetianga an thlang hi a lawmawm hle a ni. - MkSiama Kan khawvel chu sawi loh, kan Zoram tak hi chu aw, Kristian ram kan ni si a! Lalpa mite zingah pawh sual a han pun nasat tawhzia hi. Aw Zoram, harh la, i Pathian tawk turin inpeih rawh. - 18 yrs girl, Lungsum Khawnge Pollution Control Board hi? Motor khu nasa lutuk, an hnunga kal hrehawm fe fe chi an va tam kher em ve le! An hna atana hmanrua tur an la nei lo em ni? Na tawkin hma la teh se. - C.Lianmawia, Zn