SAWHKHAWK of the day Kan Duh leh kan lei belh zel ang leh motor nalh deuh kawl hi kan zahawmna a ni titu sorkar chelhtute chuan mipui min zah lo khawp mai. Mipui sumin an intiropui vel a, an zak thlawt lo em ni le? Motor changkanga an chuan khan an mawl ngaiin an mawl tho tih mipui hian kan hria a sin. - RAMHMANGAIHA

Engvangin nge awmpuite hi hlawh kan pek kher ang le? An inbualna tui te, shampoo te, an chaw ei turte leh electric an hman man thleng hian pawisa kan seng a, an hlawh kan pek leh bawk si chuan... ngaihtuah chiang teh u. - Zothanpuii Jr. Zauthanga Camping Centre chungchang hi Zoram mipuite hian kan ngaihtuah a ngai hlein ka hria. An ei leh in te, an damlohva an inelkawl dante hi Human Rights kalh a ni. Tin, chu mai bakah ruihhlo ngaite an man khawm hi nasa taka damdawi khawihte an ni tlangpui a, damdawi (drugs) hi vawilehkhata nghei mai theih a ni lo, hardcore tak takte lut an nih avang hian damdawi an lo khawih nasat tawh avangin an taksain damdawi an mamawh a, inenkawlna tha tak a awm loh avangin suffer namen lo an nei lo thei lo. Mahse, enkawlna pakhatmah an dawng lo va, Pathianin a tidam thei tih vang ringawta enkawl loh ringawt hi dan kalh a ni. Tin, Centre-a awm an ni a, video-a a laka mipui hmaa phochhuah hi a mualphothak hle, an inkhawm lai video chiah an tilang a, an ei leh in, an riahna, an hun hman dan tihlan a ni ngai lo, a chhan chu an ei leh in leh an riahna a chhiat em vang a ni. - 9862223009 'Kan veng chhungah zu zuar awm kan duh lo,' ti ngamtute hian, 'Kan veng chhung kawngpui kamah lirthei eng chi mah dah phal a ni lo,' ti ngam tel bawk teh u. Ninawm rau rauvah zu zuar ai chuan kawngpui kama lirthei dah chingte hi an ninawm fe zawkin ka hria. Scholes L.S.Khawlhring ZNP chuan AMC sorkar namtluin sorkar thar an din a, a lawmnate an la siam zui a. Hetiang hi a ni lo'm ni mi chaw ken hmu liana mi chawthleng ben buaksak an tih chu? - M2 Ringtuten kan tih tur chu zu ringawt buaipui lova Lal Isua hnena thlarau bo hruaia zu in thinte hnena Lal Isua chanchin hrilh hi kan hnapui ber ni se. Zu kan buaipui lutuk hian Pathian thu kan sawi hman ta lo va, Setana thangkamah kan awk a ni ber e. Isua chanchin hi buaipui ila, kan ram a dam ngei ang. - 9856836216 He Mizoram, Kristian ramah hian eirukna avang leh diklo taka sumla luttute an hausakzia leh nuam an tihzia hi... Heng mite avanga mi retheite retheihzia hi. Sorkarna chelhtu apiang lahin mipui tam zawkte chhawr ve tur thil a tih reng reng tha tluantling leh tlo a awm ngai bawk si lo. Pathian hremna hi kan tawk ngei ang le, nge kan tawk mek tawk zawk? Chu min hremna tur chu lirnghing hi a ni ngei ang. Eng sorkar mahin CBI anko lut ngam bawk si lo va, ei rute haw ber tur Kohhranho lahin an vulh lian zawk zel bawk si. - Tea, Azl. Kan CM leh a hote hi chuan kutdawh lotu nih hi an zak miah lo, leiba teuh chunga motor changkanga chuan pawh an zak chuang lo a nih hi, thawpikthlakin!! - 9856950562 Sikul tan hma leh tlai kan sawi ta malh malh hle a, hma lam chungchang bawk sei leh teh ang. Delhi aiin Aizawlah hian darkar khat leh minute 15 velin ni a chhuak hmasa zawk thin a, tunah hian Aizawlah dar 5 dawnah ni a chhuak a, Delhi-ah dar 6 pelhah. Tukin ni chhuah hnu darkar khatah PM Modi chuan Independent Day thuchah sawi turin Red Ford a thleng der tawh. Lammualah hian Pu Hawla hi zing dar 6-ah Independent Day thuchah sawi turin thleng ta se, chutiang chu a ni a, keini chuan hma kan ti rem rem ang chu! Republic Day lawm hun thlasikah phei chuankhaw en hmain an zi huai huai tawh asin; chuvangin, keini Mizote pawh hian hma hi i uar telh telh teh ang u. - Matea pu Bomb tipuak thintute Home Minister chak tak hnuaiah kan police-ten an man a, opposition party-te hian selna anka ringawt ni lo fakna leh lawmna thu press release an chhuah ka lo beisei a, mipui tiraltitute an man hi an lawm ve tho ang em le? - 9856715125 Pu Lallunghnema zu chungchang thuziak ka lo chhiar a, a tha ka ti thlawt. Tumahin tu leh fate ei leh ina kan duh loh hi chu i sawi i sawi tawh lo vang u. Tun emaw an fa kha zu lo pe se, lawm thu an hrilh ka ring lo. - 9856950562 Khawnvartui hi sorkar rate-ah chuan 1 litre Rs 17 a ni a, dawrah erawh chuan Rs 60-in an hralh a, an lakna let thumin a to tihna a ni a, ka ti lutuk em aw? Kan Mizo thufingah chuan sem sem dam dam ei bil thi thi kha kan ti thin a ni lo’m ni? Nge nia kan Zonun ze mawi kha a bo tawh zawk? - M2 LPS?Pro-fight chu August 15 atangin a en a tuiawm loh leh tan ta, Saitual leh Govt. Complex te inhnekah khan chiang takin Saitual a chak zawk si a, engvangin nge Govt. Complex kha chaka puan a nih? Tan zawk nei lova en ka ni. Judge-te an fair lovin mipui min va zah lo ve, khawpui mi chaktir kher tur tihna em ni? Khatiang mai maiah pawh judge-te an fair lo duh a nih chuan ram roreltu dik leh fel neih beisei chi a nih loh hi! - Puipuii pi Mi rethei VIP-na sorkarah keini ang rual mi rethei chan a va chau sawt ve, buhfai lah kar hnih danah an sem tawh dawn niin an sawi a, gas lah a van avangin chawhmeh hmin har chi kan siam ngam tawh bawk si lo. Min VIP-tirtute lah in car man tovin min tlanpel fur fur a, mi rethei thleng phak rorel thiam hi an awm ta lo em ni tih mai a van awl em? - Scholes L.S Sunday tlaia Kulikawn, Tlangnuam Road kawngsira mi bike side glass rutu, FZ bike MZ-01C/9399 khalhtupa kha, i awt bawk a, kan pe ang che. Mahse, tu bike-a mi mah ru tawh lo ang che, a thing lutuk! - Zoa, Klk, Aizawl Zu in lo thei lo mi tlemte an tih ang hian Kohhranah pawh hotu lawk mi tlemte te hian zu khan an duh a ni ber mai lo maw? Kohhranten sorkar thu an do ang hian Kohhran thu pawh hi sorkar lam pawhin an zawm bik lo a ni ve mai. Isua Kristaa nun nei tawh, mi piangtharte hi Kohhran kan ni a, ram roreltute zingah te, Kohhran hruaitu ni ve lem lote zingah pawh mi piangthar hi chu an awm teuh ka ring. Zu chungchangah pawh Kohhran member tinteah vote lak nise, khap duh leh duh lo hi a tam zawk tur hriat a har khawp ang. Tin, zu in lova awm thei lo mi tlemte aiin zu in hrim hrim hi kan tam fe zawk ang. - Sawma pa Kohhran hian a kuang lo a nawr lo va, tu pawhin zu zawrh emaw, drugs, uire, rukruk, leh thil dik lo ti nia hriatte leh kawng dik lova kalte kawng dik zawk a kawhhmuh hi a tih tur a ni a, a kuang lo a nawr reng reng lo. Sorkar pawh a kal dik lo tur kawng dik a kawhhmuh chu a tih tur zawk a ni. - 9856950562