Sawhkhawk of the day Health Minister Pu Lal Thanzara chuan Minister leh MLA a nihna atanga a banna chu a thehlut ta chu a ni a, hun a kal zel ang a, dikna a duh vang nge hmaiphih tumna vang leh tih chu a lo lang mai dawn a ni. Chutih rualin CM-ina tuna MNYF President a puhna khan ngaihtuah a tithui khawp mai. CM puhna anga MNYF President-ina an party huat zawng tur tak maia sum um avanga an bitum lian ber a ruka puih a lo intiam ngei a nih ngat chuan politics a chawlhsan ve ngei chu a ngai ngei angle! Thu dik hriat vat kan va chak ve..!! - The Prince Thlarau MR chungchanga August 16 Editorial-ah khan kum khat hlawh chu nuai 6000 dawn niin i rawn ziak a, MR chu 100000 vel an awm tihna em ni? Aizawl Post-ah nuai 600 a rawn ti bawk. Vanglainiin nuai 60. Chanchinbu accountability hi hetiang atanga chhut a ni a a, fimkhur deuh a va tha ve. Chhiar zawm a tuiawm loh deuh thin. Tin, mahni dik lohna pawm ngam leh thai lang nagm chanchinbu hi an fakawm. - 9436143960 In chanchinbu a chhiar a manhla zel e. Hma in sawn zel niin ka lo hre ve ringawt mai a. A hmel pawh a mawi viau mai a; mahse, milem in dah tam tak hi chuan lan dan a tichiri deuh em tih ka lo ngaihtuah ve mai mai. In thuchhuah thin erawh a bengvarthlak a, chhawr mai theih thu thate hi a ngaihnawm thin a ni. - Sma Kan Health Minister ban chungchangah media pawimawhzia a lo lang chhuak ta a. Kan ram media-te hi in chak tawk lo niin an dem thin cheu va, an demna ang che u che pawh hi in lo ni mai thei a; eng pawh nise, lo tang hram hram zel teh u. Kan rama dik lohna tam tak hi hei aia thui hi media-te hian hai chhuak zel teh u. - Mawimawia Puipui pi khan Biaksiama Bible lehlin ka ngaimawh lai deuh a rawn sawi a, Sam 23-na hi a let fuh lo deuh a ni. The Lord is mu shepherd tih hi kan Bible letty hmasate lehlin poawh hi a dik ka ti chuang lo. Shepherd tih hi berampu tihna ngawt a ni lo, beram enkawltu tihna pawh a ni tho. Chuvangin, a tum dik tak anga kan lehlin chuan, ‘Lalpa chu min enkawltu a ni a, tlachhamin ka awm lo vang,’ tih mai tur a ni. - 9436155941 8731002757 kha Kelkangah i la kal lo a ni maw? Kelkang kal hian, ‘Nang chu i kal ve lo, i chuti khati,’ an ti hmasa ngai lo. Tiela sawisel hawtu leh inthliarna tichhuaktu pawh hi a kal lote an ni zawk zel tih lo hre mai mai ta che. A kal zawng zawng hi an tha a, siam tharna an chang vek lem lo, Thlarau Thiangtlim speaker-na hmuna kal nachang hre lo leh sawichhetua lo tan hi chu i dinhmun kha lo inbih chiang la a va ta ve. - Lalroa kkk Pu K.L.Liana ka zawh duh chu sorkar aiin court hi a lal zawk em ni tih hi. Tunlaiin sorkarin UID hi tih ngei ngei tur a ti a, Supreme Court-in a ngai lo a ti bawk si. Thubuai neihin ukil ruai kher lo hian mahni ngei a din theih mai em? - Matea pu CM Lal Thanhawla’n hlemhletna dopui turin mipui a sawm thu Independenc Day-ah a sawi a, a lawmawm e. Mipui a tih hian tute nge a huaptir tih ka hre hauh lo va, Kau-Tlabung Hydel Project-a ei rukna, PRISM-ten an sawi te, Serkhan-Bagha Road laihnaa ei rukna a awm thu Hmarphei Zirlaiten an sawi te hi ‘MIPUI’ a tihah hian an tel ve em aw? tih ka zawt a. Tin, hlemhletna dopui tura mipui min sawm hian engtia hmalak tur nge ni ang? Mi malin lehkhain CM Hawla hi hrilh mai tur a ni em? Hmalak dan tur hi chiang takin min hrilh se, theihtawpin kan lo pui ang e. A zung nena curruption phoro tum CM kha a nia, Kau-Tlabung hna thawhnaa ei rute pawh hum zel a tum tawh lo vang chu! Engineer-te tihlungnih loh hlauhna kha awm tawh lo rawh se. - 8729916728 MiZo chanchinbu mite hma an sawn viau tawhin ka lo hria a; mahse, August 17, 2015-a chanchinbu pakhata Independence Day lawmna AR Ground-ah CM-in President’s Police Medal for Distinguished/Metitoriuod Service chu police officer 3 hnenah hlan angin a rawn tar lang a, hei hi reporter hian a hre sual a ni. Heng chawimawina hi pek an nih thu puan a ni hrih mai a, hlan an la ni lo ve. A hmuna kal lovin mi sawi a report ve ngawt tih a chiang e. Hmanlai, la mawl zual laia zu hmun titi thutak anga chanchinbua chhuah thin hun kha kan pel tawh turah ka lo ngai a; mahse, a subject kan lo hriat chian ve deuhvah hi chuan dik lo fe fe hian chanchinbuho hian an lo chhuah fo tih ka hmu zing ta. - Maktia Ei ru lo kha kan han thlang chhuak a, an va entawn tlak em ve aw...!! Pakhat ka hriat ve chu, engineer a ni a, mi dang angin a ei ru lo khawp mai a, an fanu pakhat, tun hnaia pasal nei ta chuan, “Ka hriat theih tirh atangin in kan sa tawh a, pasal ka neih pawhin kan la sa zo chuang lo,” a ti a. A pa hian duh sela chu a ei ru thei khawp ang a; mahse, ei ru lovin an inkhawl hram hram a, an theih ang tawkin kum tam tak chhung in an sa a lo ni a. An ngaihsanawm chhungkua ngawtin ka hria. - MkSiama Tunlai chu Kelkang thawm aiin Minister banna a lian thar leh ta zawk a; mahse, ka lo sawi tho teh ang. Kelkang kal hi sawisel tawk leh intikal tia sawi tawk an awm leh thin a. Eng pawh chu lo ni sela, a kal peih an awm chhung chuan engah nge an lo sawisel ve sek aw.... Kei pawhin tul lo ka ti a, kal ka peih lo bawk a, ka kal lo mai. An lo intikal deuh a nih pawhin an kal miau a, intikal deuh mah se sawisel theih a ni lo. Dawt a ni lo, an kal miau a ni. An thlarau chan pawh lo sawi chiam a ngai ka ti lo, mihring chu tuihnan lai a awm a, ro lai a awm. Chuvangin, a hun laiin an tuihnang ve deuh a, an dak tak vang ni lovin, rei an tuihnang lo vang, lo dawh hram hram rih hi a pawimawh ber chu a ni. - 8794686442 Kan Heatlh Minister ban thuah hian kan ram chanchinbu mite hian dem an hlawk leh zauh thin niin ka lo hre ve a. Tu emaw, hmun hla tak atanga awm leh hnam dangin a hai chhuah zar nia sawi an awm a. A dik chiah mai. Mahse, ka lo hriat danin kan rama rawn chhuitu vai chanchinbu mi khan rei tak Mizoram a chamchilh niin ka hria a, kan chanchinbu mite hi chu an buai em a ni. Chanchinthar an zawng a, an chhu a, chanchinbu phekah an rem leh vek bawk a. Rei tak thu pakhat chai turin an buai hman lo niin ka hria. Ka hre dik lo mai thei, ka lo tan ve deuh a ni. - Nma